މިޓްސުބުޝީ ގޯދިއްޔާ ފުޓްސަލް ކަޕް 2018 ގައި ޕަޓާސް އަތުން 1-6 އިން މޮޅުވެ ޔުނައިޓެޑް ފްރެންޑްސް އިން ކުއާޓާ ފައިނަލަށް ދަތުރުކޮށްފިއެވެ.
މަރަދޫ ވެންބޮޅޮފިށި ސްޓޭޑިއަމްގައި ކުޅުނު މެޗްގައި ޔުނައިޓެޑް ފްރެންޑްސްގެ ފަރާތުން މޮޅު ކުޅުމެއް ފެނުނު އިރު ޕަޓާސް އަށް އެދެވޭ ކުޅުމެއް ދެއްކިފައެއް ނުވެއެވެ.
ރޭގެ މެޗްގައި ޔުނައިޓެޑް ފްރެންޑްސްގެ ލިރުޢާމް ހެޓްރިކް ހެދިއިރު އެޓީމަށް ދެން ލަނޑު ޖަހައިދިނީ އިމްރާން، މުއާޒް އަދި ޝާމިން އެވެ. ޕަޓާސްގެ ދެ ލަނޑު ވެސް ކާމިޔާބުކޮށްދިނީ އިބްރާހިމް މުހައްމަދެވެ.
ރޭގެ މެޗްގެ މޮޅު ކުޅުންތެރިޔަކަށް ހޮވުނީ ޔުނައިޓެޑް ފްރެންޑްސް ލިރުއާމެވެ.
ގްރޫޕް ޑީގެ ޕޮއިންޓް ޓޭބަލަށް ބަލާއިރު މިހާރު އެއްވަނައިގައި އޮތީ ޔުނައިޓެޑް ފްރެންޑްސް އެވެ. އެހެން ނަމަވެސް ވީއެޗް އާއި 3ސްޓޯން ކުޅޭ މެޗުގެ ނަތީޖާ ނިކުންނަ ގޮތަކުން ވީއެޗަށް ތާވަލްގެ 1 ވަނަ ހޯދުމުގެ ފުރުސަތު އަދި އެބައޮތެވެ.