މިޓްސުބުޝީ ގޯދިއްޔާ ފުޓްސަލް ކަޕް 2018 ގައި ރޭ ހިތަދޫ ކަނޑިހެރަ އެފްސީ އަތުން 1-4 އިން މޮޅުވެ ފްރެންޑްސް ކްލަބުން ކުއާޓާ ފައިނަލުގެ ޖާގައެއް ކަށަވަރުކޮށްފިއެވެ.
މަރަދޫ ވެންބޮޅޮފިށި ސްޓޭޑިއަމްގައި ކުޅުނު މެޗްގައި ފްރެންޑްސް ކްލަބްގެ ލަނޑުތައް ކާމިޔާބުކޮށްދިނީ ސާޖިދު އާއި ހުސައިން ރަޝީދެވެ. މިއިން ކޮންމެ ކުޅުންތެރިޔަކު ވަނީ 2 ލަނޑު ކާމިޔާބުކޮށްފައެވެ.
ކަނޑިހެރަ އެފްސީގެ ހަމައެކަނި ލަނޑު ޖެހީ ހަސަން އަލްފާލެވެ.
މި މޮޅާއި އެކު ގްރޫޕް ސީގެ އެއްވަނައިގައި މިހާރު އޮތީ ފްރެންޑްސް ކްލަބެވެ. އެހެން ނަމަވެސް، މިރޭ އެފްސީ އަފިރިން އަދި ލޮނަ އެފްސީ ކުޅޭ މެޗުގެ ނަތީޖާ ނިކުންނަ ގޮތަކުން ގްރޫޕްގެ 1 ވަނަ ލޮނަ އެފްސީ އަށް ވެސް ހޯދުމުގެ ފުރުސަތު އެބައޮތެވެ.
ފްރެންޑްސް ކްލަބް ކުޅުނު 3 މެޗްގެ ތެރެއިން ދެމެޗުން މޮޅުވެފައިވާއިރު އެޓީމަށް ލިބިފައިވަނީ 5 ޕޮއިންޓެވެ. އެފްސީ އަފިރިން އަދި ލޮނަ އެފްސީ އަށް ވެސް ލިބިފައިވަނީ 4 ޕޮއިންޓެވެ.