ބޭންކް އޮފް މޯލްޑިވްސް (ބީއެމްއެލް) އިން ކުރިއަށް ގެންދިޔަ، ލުއި ލޯނު ޕްރޮމޯޝަންގެ ނަސީބުވެރިޔާ ހޮވައިފި އެވެ.
މި ޕްރޮމޯޝަންގެ ގުރުއަތު ނެގީ ބޭންކް އޮފް މޯލްޑިވްސްގެ މައި އިމާރާތުގައި ބޭއްވި ރަސްމިއްޔާތެއްގައި އެ ބޭންކްގެ ހީޓް ހެލްތް އެންޑް ފިޓްނަސް (ހީޓް) ހިންގުމާ ހަވާލުވެ ހުންނެވި އައިޝަތު އަފްރާ (އަނާ) އެވެ. މި ޕްރޮމޯޝަން ކުރިޔަށް ގެންދިޔަ މުއްދަތުގައި 2300 އަށްވުރެ ގިނަ އަމިއްލަ ފަރުދުންނަށް ބީއެމްއެލް އިން ވަނީ ލުއި ލޯނު ދޫކޮށްފައިކަން ފާހަގަ ކޮށްލެވެއެވެ.
މި ޕްރޮމޯޝަންގެ ނަސީބުވެރިޔަކަށް ހޮވިފައިވަނީ އައިޝަތު ޒީނާ، މެޑޯޒް، ށ. މިލަންދޫ އެވެ. އޭނާ އަށް 50،000 (ފަންސާސްހާސް) ރުފިޔާގެ ފައިސާގެ އިނާމެއް ލިބޭނެ އެވެ.
ވިހި ހާސް ރުފިޔާ އިން އިން ފެށިގެން 100،000 ރުފިޔާ އާ ހަމަޔަށް ބީއެމްއެލް އިން ދޫކުރާ ލުއި ލޯނުތަކަށް ރަހުނު ގޮތުގައި އެއްވެސް ހަރުމުދަލެއް ބަހައްޓަން ނުޖެހޭއިރު ގެރެންޓާއެއްވެސް އަދި ކޮޓޭޝަނެއް ވެސް އެ ލޯނު ހޯދުމަށް ހުށަހަޅަން ނުޖެހެ އެވެ.