ކާމިޔާބު ޑައިރެކްޓަރު ރޯހިތު ޝެޓީގެ އާ ފިލްމް "ސިމްބާ" ގެ ޝޫޓިން މިއަދު ފަށައިފި އެވެ.
ހައިދަރްއާބާދުގައި މިހާރު ކުރިއަށްދާ ފިލްމްގެ ޝޫޓިންގެ ތެރެއިން ނަގާފައިވާ ފޮޓޯއެއް ޕްރޮޑިއުސަރު ކަރަން ޖޯހަރާއި އެކްޓަރު ރަންވީރް ސިންގް ސޯޝަލް މީޑިއާގައި ވެސް ހިއްސާކޮށްފައިވަ އެވެ.
ރަންވީރު ފުލުހެއްގެ ރޯލުން ފެނިގެންދާ "ސިމްބާ" ގެ ބަތަލާއަކީ ސައިފް އަލީ ހާންގެ ދަރިފުޅު ސާރާ އަލީ ހާނެވެ. މިއީ ސާރާ ކުޅޭ ދެވަނަ ފިލްމެވެ. އޭނާގެ ފުރަތަމަ ފިލްމް "ކެދަރްނާތު" ރިލީޒް ކުރާނީ ނޮވެމްބަރު މަހުގެ 30 ގަ އެވެ.
The #Simmba journey begins…@RanveerOfficial #SaraAliKhan @karanjohar @DharmaMovies @RelianceEnt #RohitShetty @SimmbaTheFilm pic.twitter.com/9PherO0uUV
— Rohit Shetty Picturez (@RSPicturez) June 6, 2018
"ސިމްބާ" ސިނަމާތަކަށް އަންނާނީ ޑިސެމްބަރު 28 ގަ އެވެ. މި ފިލްމަކީ 2015 ގައި ރިލީޒްކޮށް ބޮކްސް އޮފީހުގައި ވަރަށް ބޮޑު ކާމިޔާބީއެއް ހޯދި ތެލެގޫ ފިލްމް "ޓެމްޕާ" އަށް ބިނާކޮށް ހަދާ ފިލްމެކެވެ.
ރޯހިތު އެންމެ ފަހުން ޑައިރެކްޓް ކުރީ މިދިޔަ އަހަރު ރިލީޒް ކުރި "ގޯލްމާލް އެގެއިން" އެވެ.