މިޓްސުބުޝީ ގޯދިއްޔާ ފުޓްސަލް ކަޕް 2018ގެ ކުއާޓާގެ މެޗުތައް މާދަމާ ރޭ ފަށާނެއެވެ.
މާދަމާ ރޭ ކުޅޭ ކުއާޓާގެ ފުރަތަމަ މެޗްގައި ވާދަކުރާނީ، އެންމެ ފަހުގެ ޗެމްޕިއަން އެފްސީ ބޭރުމަތި އަދި ފްރެންޑްސް ކްލަބެވެ. މި މެޗް ފަށާނީ މާދަމާ ރޭ 9:30 ގައެވެ.
ސެމީގެ ޖާގައެއް އެފްސީ ބޭރުމަތިން ހޯދީ ކުޅުނު އެއްވެސް މެޗަކުން ބަލިނުވެއެވެ. އަދި ފްރެންޑްސް އިން ސެމީގެ ޖާގައެއް ހޯދީ ގްރޫޕް ސީގެ 2 ވަނަ ޓީމުގެ ގޮތުގައެވެ.
ކުއާޓާގެ ދެވަނަ މެޗް ވެސް މާދަމާ ރޭ 10:30 ކުޅެން ހަމަޖެހިފައިވާއިރު އެ މެޗްގައި ކުޅޭނީ ޒެލޯން އާއި ޔުނައިޓެޑް ފްރެންޑްސް އެވެ. ޒެލޯން އިން ގްރޫޕް ބީގެ 1 ވަނަ ހޯދިއިރު ޔުނައިޓެޑް ފްރެންޑްސް ކުއާޓާގެ ޖާގަ ހޯދީ ގްރޫޕް ޑީގެ 2 ވަނަ ޓީމްގެ ގޮތުގައެވެ.
އައްޑޫގައި ބާއްވާ އެންމެ މަޤްބޫލު ފުޓްސަލް މުބާރާތުގެ ކުއާޓާގެ އަނެއް ދެ މެޗް ކުޅޭނީ މި މަހުގެ 9 ވަނަ ދުވަހުގެ ރެއެވެ.
އެއީ ލޮނަ އެފްސީ އަދި ސްކޫޕް ކަންމަތީގެ މެޗްގެ އިތުރުން ކްލަބް ވީއެޗާއި އެފްސީ އަފިރިން ބައްދަލުކުރާ މެޗެވެ.