ކުރީގެ ރައީސް މުހައްމަދު ނަޝީދު ފިޔަވައި އެހެން މީހަކަށް އެމްޑީޕީގެ ރިޔާސީ ޓިކެޓް ދިނުމަކީ "ނުފުއްސަވާނެ ފާފައެއް"ގެ ގޮތުގައި ނަޝީދުގެ ސަޕޯޓަރުން ދެކޭ ކަމަށް ޕީޕީއެމްގެ ސެކްރެޓަރީ ޖެނެރަލް ޑރ. އަބްދުﷲ ޚަލީލް ވިދާޅުވެއްޖެއެވެ.
ނިލަންދޫ ދާއިރާގެ މެންބަރުކަން ވެސް ކުރައްވާ ޚަލީލު މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ.
ޚަލީލު މިހެން ވިދާޅުވި ނަމަވެސް އެމްޑީޕީގެ ރިޔާސީ ޓިކެޓް ނަޝީދު ފިޔަވައި އެހެން މީހަކަށް ދޭ ވާހަކައެއް އެ ޕާޓީގެ އެއްވެސް އިސް ބޭފުޅަކު ދައްކާފައެއް ނުވެއެވެ.
Nasheed noon meehakah riyaasee ticket dheyn visnumakee ves Nasheed ge vafaatherin dhekeygothuga nufussavaane faafaeh. Ekehge vashaigen MDP eburey sagaafai badhalukoh democratic vaanjehey! https://t.co/hPOPnnkBCf
— Dr. Abdulla Khaleel ? (@abkhaleel) June 7, 2018
އެހެން ނަމަވެސް ރައީސް ނަޝީދަށް އިންތިޚާބުގައި ވާދަނުކުރެއްވޭ ނަމަ އިދިކޮޅު ފަރާތްތަކުން ނެރޭ ކެންޑިޑޭޓެއްގެ ގޮތުގައި އިބްރާހިމް މުހައްމަދު ސޯލިހް ހެދުމަށް ބައެއް ފަރާތްތަކުން ވަނީ ތާޢިދުކޮށްފައެވެ.
އަދި އެކަމާއި ގުޅިގެން އެމްޑީޕީގެ ބައެއް އެކްޓިވިސްޓުން ނުސީދާ ގޮތެއްގައި އިބޫއަށް ފާޑުކިޔަމުން ގެންދާކަން ފާހަގަކޮށްލެވެއެވެ. އެހެން ކަމުން ބެލެވޭ ގޮތުގައި ޚަލީލުގެ ޓްވީޓުގައި ފާހަކުރެއްވީ އެބޭފުޅުންގެ ވާހަކައެވެ.
ޚަލީލުގެ ޓްވީޓްގައި ވަނީ އެމްޑީޕީން "އެކެއްގެ ވަށައިގެން އެނބުރޭ ސަގާފަތް ބަދަލުކޮށް ޑިމޮކްރެޓިކް" ވުމަށް ވެސް ގޮވާލައްވާފައެވެ.