* ބޭނުންވާ ތަކެތި:
4 ބިސް
3/4 ޖޯޑު ހަކުރު
3 މޭޒުމަތީ ސަމުސާ ފުށް
ލޮނު ކޮޅެއް
2 ޖޯޑު ކިރު
1/2 ސައިސަމުސާ ވެނީލާ އެސެންސް
30 މިލްކު ބިސްކޯދު
4 ވައް ދޮންކެޔޮ (ފޮތިކޮށްފައި)
* ތައްޔާރު ކުރާނެ ގޮތް:
ތަވައެއްގައި ބައި ޖޯޑު ހަކުރު، ފުށް އަދި ލޮނު އެއްކުރުމަށް ފަހު އޭގެ ތެރެއަށް ހަތަރު ބިސް އަޅައި ގިރާލާށެވެ. ދެން އޭގެ ތެރެއަށް ކިރު އަޅައިށެވެ. ދިހަ ވަރަކަށް މިނިޓް ވަންދެން މަޑު ގިނީގައި ކެއްކުމަށް ފަހު އުނދުން މަތިން ބާލައި އޭގެ ތެރެއަށް ވެނީލާ އެސެންސް އަޅައި ގިރާލާށެވެ. އޭރުން އެހެރީ މިކްސްގަނޑު ރެޑީވެފަ އެވެ.
ދެން ޕުޑިން ފިހާ ޓްރޭގައި ޕުޑިން މިކްސް ފަތުރާލާށެވެ. އެއަށް ފަހު އޭގެ މަތީގައި ބިސްކޯދު އަތުރައިލާށެވެ. ބިސްކޯދުގެ މަތީގައި ދޮންކެޔޮ އަތުރައި އޭގެ މައްޗަށް ޕުޑިން މިކްސް ފަތުރާލައިފައި ފްރިޖްގައި ފިނިކޮށްފައި ސާވް ކުރާށެވެ.