މިޓްސިބުޝީ ގޯދިއްޔާ ފުޓްސަލް ކަޕް 2018ގެ ސެމީ ފައިނަލުގެ ޖާގައެއް ކްލަބް ވީއެޗުން ހޯދައިފި އެވެ.
ވީއެޗުން ސެމީގެ ޖާގައެއް ހޯދީ ގްރޫޕް ބީގެ ދެވަނަ ހޯދި އެފްސީ އަފިރިން އާއި ވާދަކޮށް 1-6 އިންނެވެ.
މިރޭގެ މެޗްގައި ވީއެޗްގެ ފަރާތުން މޮޅު ކުޅުމެއް ފެނިގެން ގޮސްފައިވާއިރު އެޓީމުގެ ހުސައިން ރަޝީދު ވަނީ ހެޓްރިކް ހަދާފައެވެ. މެޗްގެ މޮޅު ކުޅުންތެރިޔަކަށް ހޮވުނީ ވެސް ހުސައިން ރަޝީދެވެ.
މީގެ އިތުރުން ވީއެޗްގެ ރިއްފަތު ދެ ގޯލް ޖެހިއިރު އަނެއް ގޯލް ކާމިޔާބުކޮށްދިނީ މުހައްމަދު އިމްރާނެވެ.
އަފިރިން ޓީމުގެ ހަމައެކަނި ގޯލް ޖަހައިދިނީ އިސްމާއިލް އަބްދުﷲއެވެ.
ސެމީގައި ވީއެޗް އާއި ބައްދަލުކުރާނީ ފޭދޫ ލޮނަ އެފްސީއެވެ.