ޕަބްލިކް ސާވިސް މީޑިއާގައި މަސައްކަތް ކުރަމުން އަންނަ އެންމެންގެވެސް މަގުބޫލުކަން ހޯދާފައިވާ ކުޅިވަރު ޖާނަލިސްޓް ސާއިދު އަހުމަދުގެ ދެ ކިޑްނީ ފެއިލްވެ، ފުރާނަ ސަލާމަތް ކުރުމުށް ވިހާވެސް އަވަހަކަށް ކިޑްނީ ބަދަލުކުރަން އާންމުންގެ އެހީއަކަށް އެދިއްޖެއެވެ.
ސާއިދުދެ ދެކިޑްނީ ފެއިލްވެފައިވާކަން އެނގުނީ މިމަހުގެ 9ވަނަ ދުވަހު ހުންގަދަވެ ކުޑަ ކަމުދާއިރު ލޭ އަންނާތީ އޭޑީކޭއަށް ދެއްކުމުން ޑޮކްޓަރުގެ ލަފާގެމަތިން އައިޖީއެމްއެޗް ގެ ކިޑްނީގެ ހާއްސަ ޑޮކްޓަރ ޝިހާމްއަށް ދެއްކުމުންކަމަށް އާއިލާގެ ފަރާތުން މައުލޫމާތު ދެއެވެ.
ސާއިދުގެ ކިޑްނީ ބަދަލު ކުރަން އެހީ ހޯދުމަށް އޭނާގެ އުފަން ރަށް ގދ. ތިނަދޫގެ ޒުވާނުންތަކެއް މިހާރު ދަނީ ފޭސްބުކް މެދުވެރިކޮށާއި އެހެނިހެން ގޮތްގޮތަށް އިސްނަގައިގެން މަސައްކަތްތަކެއް ކުރަމުންނެވެ.
މީގެ އިތުރުން މީޑިއާ ޓީމަކުންވެސް ދަނީ ސާއިދަށް އެހީ ހޯދުމަށްޓަކައި ކެމްޕޭނެއް ލޯންޗު ކުރުމަށް ތައްޔާރު ވަމުންނެވެ.
ޕީއެސްއެމްގައި ގައި މަސައްކަތް ކުރަމުންއަންނަ ސާއިދު އަހުމަދު އަކީ ކުޅިވަރު ޚަބަރުތައް ގެނެސްދިނުމުގައިއާއި ފުޓްބޯޅަ ކޮމެންޓްރީ ދިނުމުގައި ފަހަކަށް އައިސް ރާއްޖޭގައި ފާހަގަކޮށްލެވޭ ނޫސްވެރިންގެ ތެރޭގައި ހިމެނޭ އެކަކެވެ. ކުރިއަށް އޮތް ވޯލްޑް ކަޕް ކަވަރު ކުރުމަށް ޕީއެސްއެމްގެ ޓީމާއެކު ވަރަށް ބުރަކޮށް ސާއިދު ތައްޔާރުވަމުން ދަނިކޮށް ކުއްލިއަކަށް މިދިމާވި ސިއްހީ ހާލަތުގެ ސަބަބުން އޭނާ ވަނީ އެންމެންގެވެސް އެހީއާއި ހެޔޮދުއާއަށް ބޭނުންވެފައެވެ.
ސާއިދުއަށް ކުރިމަތިވެފައިވާ ބަލިހާތާއި ގުޅޭގޮތުން އިތުރު މައުލޫމާތު ބޭނުންފުޅުވާ ބޭފުޅުން ސާއިދުގެ ބޭބެ ސާލިމްގެ ފޯން ނަމްބަރު 9151056 އަށް ގުޅުއްވައިގެން މައުލޫމާތު ހޯއްދެވޭނެއެވެ. ސާއިދުއަށް މާލީ އެހީތެރިކަން ފޯރުކޮށްދޭން ބޭނުންފުޅުވާ ފަރާތްތަކުން ބީއެމްއެލް ޑޮލަރު އެކައުންޓް ނަންބަރ 7713225362101 އަށް ނުވަތަ ބީއެމްއެލް ރުފިޔާ އެކައުންޓް 7703225362101 އަށް ފައިސާ ޖަމާކުރެވޭނެއެވެ.