* ބޭނުންވާ ތަކެތި:
1 ބްރައުނީ މިކްސް (ބްރައުނީ މިކްސް ގިރުމަށް ބޭނުންވާ ބިސް، ފެން އަދި ތެޔޮ ފޮށީގައި ބުނެފައިވާ މިންވަރަށް)
1 ޖޯޑު މާޝްމެލޯ ކްރީމް
3 މޭޒުމަތީ ސަމުސާ ފެން
1 ދަޅު ހޮޓް ފަޖް ޕުޑިން
ބިސްކޯދު (ކުދިކޮށްފައި)
2 ޖޯޑު ކުދި މާޝްމެލޯ
* ތައްޔާރު ކުރާނެ ގޮތް:
ބްރައުނީ މިކްސް ފޮށީގެ ބޭރުގައި އިރުޝާދު ދީފައިވާ ގޮތަށް ބުރައުނީސް މިކްސް ގިރުމަށް ފަހު އަވަނަށް ލައި ފިހެލާށެވެ. ރަނގަޅަށް ފިހެވުމުން އަވަނުން ނަގައި 30 މިނެޓު ބަހައްޓާލާށެވެ. އެއަށްފަހު ޗޮޕްސްޓިކް ކަހަލަ އެއްޗެއް ހަރައި، ބުރައުނީގެ އެކި ހިސާބުގައި ކުދި ވަޅުތަކެއް ހަދާލާށެވެ.
ބޯތަށްޓަކަށް މާޝްމެލޯ ކުރީމް އެޅުމަށް ފަހު 30 ސިކުުންތު ވަންދެން މައިކްރޯވޭވްކޮށްލާށެވެ. އެއަށް ފަހު އޭގެ ތެރެއަށް ފެން ފޮދު އެޅުމަށްފަހު ގިރާލާށެވެ. ރަނގަޅަށް ހިމުން ވުމުން ބުރައުނީގެ މައްޗަށް އަޅާލާށެވެ.
ދެން ބުރައުނީގެ މަތީގައި ހޮޓް ފަޖް އުނގުޅާލާށެވެ. އެއަށް ފަހު އޭގެ މައްޗަށް ބިސްކޯދު އަޅައި މާޝްމެލޯތައް އަތުރާލާށެވެ. ދެން މާޝްމެލޯތަކަށް މަޑު މުށި ކުލައެއް އަރަންދެން އަވަނުގައި ފިހެލާށެވެ.
އޭގެ މައްޗަށް ހޮޓް ފަޖް ބުރުވާލުމުން ސްމޯސް ބްރައުނީސް ތައްޔާރުކޮށް ނިމުނީ އެވެ.