ޝާހްރުކް ހާން ޑްވާފެއްގެ ރޯލުން ފެނިގެންދާ ފިލްމް "ޒީރޯ" ގެ ޓީޒާ އީދު ހަދިޔާއެއްގެ ގޮތުގައި މިއަދު ދައްކާލައިފި އެވެ.
މާދަމާ ސިނަމާތަކުގައި ދައްކަން ފަށާ ސަލްމާން ހާންގެ "ރޭސް 3" ގެ އާ އެކު، މި ޓީޒާ ސިނަމާތަކުގައި ވެސް ދައްކާނެ އެވެ. މިއަދު ދައްކައި ޓީޒާގައި ސަލްމާން ވެސް ފެނިގެން ދާނެ އެވެ. މި ފިލްމްގައި ސަލްމާން ހާއްސަ ފެނިލުމެއް ހިމެނޭނެ އެވެ.
"ޒީރޯ" އަކީ އާނަންދް އެލް ރާއީ ޑައިރެކްޓް ކުރާ ފިލްމެކެވެ. މި ފިލްމްގެ ފަހު ޝޫޓިން ޝެޑިއުލް މިހާރު ކުރިއަށް ދަނީ އެމެރިކާގެ އެވެ.
ޝާހްރުކާ އެކު ފިލްމްގެ ކާސްޓުން އަނުޝްކާ ޝަރްމާ، ކެޓްރީނާ ކެއިފް، އަބޭ ޑިއޯލް އަދި އާރް މަދަވަން ފަދަ ތަރިން ފެނިގެން ދާނެ އެވެ.
"ޒީރޯ" ސިނަމާތަކަށް އަންނާނީ ޑިސެމްބަރު މަހުގެ 21 ގަ އެވެ.