އިދިކޮޅު ކޯލިޝަނަށް ކާމިޔާބާއި ހަމައަށް ވާސިލްވެވޭނީ އިދިކޮޅުގެ ކެންޑިޑޭޓެއްގެ ގޮތުގައި ކުރީގެ ރައީސް މުހައްމަދު ނަޝީދު ނެރެގެން ކަމަށް އެމްޑީޕީގެ ޕީޖީ ލީޑަރު އިބްރާހިމް މުހައްމަދު ސޯލިޙް (އިބޫ) ވިދާޅުވެއްޖެއެވެ.
އިބޫ މިހެން ވިދާޅުވީ، މިހާރު ކުރިއަށްދާ އެމްޑީޕީގެ ކެމްޕެއިން ހަރަކާތް ފެށުމަށް ބާއްވާ ޖަލްސާގައި ވާހަކަ ދައްކަވަމުންނެވެ.
އިބޫ ވިދާޅުވީ މިއަދު ހުރިހާ ރައްޔިތުންގެ ވެސް ސުވާލަކީ އިދިކޮޅު ކެންޑިޑޭޓަކީ ކޮންބޭފުޅެއްތޯއެވެ. އަދި އެ ސުވާލުތަކަށް ޖަވާބު ދޭން ޖެހޭއިރު އެކަމަށް އެންމެ ގާބިލް ބޭފުޅަކީ ނަޝީދު ކަމަށެވެ.
އެމްޑީޕީން އެކަނި ކެމްޕެއިން ކުރަނީ އަންނި ކޯލިޝަން ކެންޑިޑޭޓަކަށް ހެދުމަށްކަމަށާއި، އެކަން އެޕާޓީން ކުރާނެކަމަށެވެ.
އިބޫ ވިދާޅުވީ ސިންގަލް ކެންޑިޑޭޓަކަށް ނަޝީދު ނެރޭއިރު ބޭރު ދުނިޔޭގައި ކަން ހިނގާފައިވާ ގޮތާއި މެދު ދިވެހިން ވިސްނަން ޖެހޭކަަމަށެވެ. އެޮތުން މެލޭޝިއާގެ އިންތިހާބަށް އަލި އަޅުވައި އިބޫ ވިދާޅުވީ އެގައުމުގެ އޭރުގެ ސަރުކާރުން އިދިކޮޅު ފަރާތްތަކަށް ކެމްޕެއިނަށް ދިނީ އެންމެ 11 ދުވަސް ކަމަށެވެ. ނަމަވެސް ރައްޔިތުން ނިކުމެ އިދިކޮޅު ކެންޑީޑޭޓަށް ވޯޓު އަޅައި އިންތިހާބު ކުރިކަމަށެވެ. އަދި އެގައުމުގެ އިދިކޮޅު ލީޑަރުވެސް ހުންނެވީ ޝަރީއަތާއި ކުރިމަތިލައްވައިގެން ކަމަށާއި، ރާއްޖެވެސް އޮތީ އެ ހާލަތުގައި ކަމަށެވެ.