ގއ.ދާންދޫ އަށް ނިސްބަތްވާ މިއުޒިކް އެޑިފިކޭޝަން އެންޑް ސްޕޯޓްސް ކްލަބް (އެމްއީއެސްސީ)ގެ ފަރާތުން ހުވަދު އަތޮޅުގެ ރަށްތަކަށް ހުޅުވާލައިގެން ބާއްވާ "އެމްއީއެސްސީ ރަމަޟާން ކަޕް 1439" ފުޓްސަލް މުބާރާތް މިރޭ ފަށާނެއެވެ.
މިފަހަރުގެ މުބާރާތުގައި 9 ޓީމު ބައިވެރިވާއިރު މިއީ މެދުކެނޑުމެއް ނެތި މި މުބާރާތް ކުރިއަށް ގެންދާ 12 ވަނަ އަހަރެވެ.
ދާންދޫ ކައުންސިލްގެ ރައީސް އިސްމާއިލް މުހައްމަދު ވިދާޅުވި ގޮތުގައި، މި މުބާރާތުގެ މަޤްސަދަކީ ޒުވާނުންގެ މެދުގައި އެކުވެރިކަން އާލާކުރުމުގެ މަޤްސަދުގައި އެމްއެސްސީގެ ފަރާތުން ކުރިއަށް ގެންދާ މުބާރާތެއް ކަމަށެވެ.
މީގެ ކުރިން މި ފުޓްސަލް މުބާރާތް ކުރިއަށް ގެންދިޔައީ ރަމަޟާން މަހުގެ ތެރޭގައެވެ. އެހެން ނަމަވެސް މިފަހަރުގެ މުބާރާތް ރަމަޟާން މަހުގެ ފަހުން ބޭއްވުމަށް ނިންމީ ވަރަށް ގިނަ ބައެއްގެ އެދުމުގެ މަތިން ކަމަށް އެމްއެސްސީ އިން މައުލޫމާތު ދެއެވެ.
ދެ ގްރޫޕަކަށް ބަހާލައިގެން ކުރިއަށް ގެންދާ ފުޓްސަލް މުބާރާތުގެ ޗެމްޕިއަން ޓީމަކަށް 15000 ރުފިޔާގެ އިނާމެއް ހުށަހަޅާފައިވާއިރު ރަނަރަޕް ޓީމަކަށް 7500 ރުފިޔާ ލިބޭނެއެވެ.
މިރޭ 8:30 ގައި ފެށުމަށް ހަމަޖެހިފައިވާ މި މުބާރާތުގެ ފުރަތަމަ މެޗްގައި ކުޅޭނީ ޕީއެޗްއެމް ހަނޑަހާ އާއި ޑިވިން ބޯއިސްއެވެ. ދެވަނަ މެޗް 9:30 ގައި ފަށާއިރު އެ މެޗްގައި ބައްދަލުކުރާނީ އެފްސީ ހަނޑަހާ އާއި ވައިކިންގް އެވެ.