ފީފާ ވޯލްޑްކަޕް 2018ގައި ވާދަކުރާ ބެލްޖިއަމް ޓީމަކީ އާޖެންޓީނާއަށް ވުރެ މާ ވަރުގަދަ ޓީމެއް ކަމަށް ޕެނަމާގެ ކޯޗް ހާނަން ޑާރިއޯ ގޯމޭޒް ބުނެފިއެވެ.
ހާނަން ޑާރިއޯ ގޯމޭޒް ބުނެފައިވާ ގޮތުގައި ޕެނަމާ އިން ބެލްޖިއަމާއި ދެކޮޅަށް ނިކުންނަ އިރު ޓީމު މޯޓިވޭޓް ކުރުމަށް އާޖެންޓީނާ އާއި ދެކޮޅަށް އައިސްލޭންޑުން ކުޅުނު މެޗް މުހިއްމެއް ނޫނެވެ.
އައިސްލޭންޑުން އާޖެންޓީނާ އަތުން ޕޮއިންޓެއް ހޯދާފައިވާތީ އެފަދަ ނަތީޖާއެއް މިއަދު ފެނިދާނެތޯ ސުވާލުކުރުމުން ގޯމޭޒް ބުނެފައިވަނީ އައިސްލޭންޑުން ޔޫރޯގައި ވެސް ރަނގަޅު ނަތީޖާތަކެއް ހޯދިކަމަށާއި މިއަދު "ކޮންމެ ގޮތެއް ވެސް ވެދާނެ" ކަމަށެވެ.
އާޖެންޓީނާ އާއި އައިސްލޭންޑުގެ މާބޮޑު ތަފާތެއް ނެތް. އެކަމަކު އަހަރުމެންނާއި ބެލްޖިއަމާއި ދެމެދު ވަރާށް ބޮޑު ފަރަގެއް އެބަހުރ ކަމަށެވެ.
"އަހަރުމެންނަކީ މުބާރާތުގެ ފެވަރިޓުންނެއް ނޫން. އެކަމަކު އަހަރުމެންނަށް ރަނގަޅު ދުވަހެއް ނަމަ ރަނގަޅު ނަތީޖާއެއް ނެރެވިދާނެ" ހާނަން ޑާރިއޯ ގޯމޭޒް ބުންޏެވެ.