އެމްޑީޕީގެ ރިޔާސީ ކެންޑިޑޭޓް އަދި ކުރީގެ ރައީސް މުޙަންމަދު ނަޝީދު، ފ. އަތޮޅަށާއި ދ. އަތޮޅުގެ ބައެއް ރަށްރަށަށް ކުރައްވާ ދަތުރުފުޅެއް މިއަދު ހެނދުނު ފަށްޓަވައިފި އެވެ.
މި ދަތުރުފުޅުގައި ނަޝީދު އެންމެ ފުރަތަމަ ވަޑައިގަންނަވާނީ ފީއައްޔަށެވެ. ފީއައްޔަށް ވަޑައިގެން އެ މަނިކުފާނު އެ ރަށުގައި އެމްޑީޕީގެ "ދޭތިން ފަހެތި" ކެމްޕެއިންގެ ހަރަކާތްތައް ކުރިއަށް ގެންދަވާނެ އެވެ. އަދި ފީއަލީގެ ރައްޔިތުންނާ ވެސް އެ މަނިކުފާނު ބައްދަލު ކުރައްވާ ގޮތަށް ވަނީ ހަމަޖެހިފަ އެވެ.
ފީއަލީގެ އިތުރުން އެ މަނިކުފާނު އެ އަތޮޅު ދަރަނބޫދޫއަށާއި ބިލެތްދޫއަށާއި މަގޫދޫއަށާއި އަދި ނިލަންދު އަށް ވެސް ވަޑައިގަތުމަށް ވަނީ ހަމަޖެހިފަ އެވެ.
ދ. އަތޮޅުން އެ މަނިކުފާނު އެންމެ ފުރަތަމަ ވަޑައިގަތުމަށް ހަމަޖެހިފައި ވަނީ މީދޫ އަށެވެ. މީގެ އިތުރުން، ހުޅުދެލި، ރިނބުދޫ، އަދި ބަނޑިދޫއަށް ރައީސް ނަޝީދު ވަޑައިގަންނަވާނެ އެވެ.
މި ހުރިހާ ރަށެއްގައި ވެސް އެމްޑީޕީގެ "ދޭތިން ފަހެތި" ކެމްޕެއިންގެ ހަރަކާތްތައް ހިންގެވުމުގެ އިތުރުން މި ރަށްރަށުގެ ރައްޔިތުންނާ ރައީސް ބައްދަލު ކުރައްވާނެ އެވެ.