ނޮވްގޮރޯޑް-ރަޝިޔާ: ފީފާ ވޯލްޑްކަޕް 2018 ގްރޫޕް އެފްގައި ސްވިޑަން އާއި ސައުތް ކޮރެއާ ކުޅުނު ސްވިޑެން ކާމިޔާބުކޮށްފިއެވެ. ސްވިޑެން އިން މިމެޗް ކާމިޔާބު ކުރީ 0-1 އިންނެވެ.
ނޮވްގްރޯޑް ނިޒްނީ ސްޓޭޑިއަމްގައި ކުޅުނު މިމެޗްގައި ސްވިޑެންގެ ހަމައެކަނި ލަނޑު ކާމިޔާބުކޮށްދިނީ، އެ ޓީމުގެ ކެޕްޓަން އަންދްރެއަސް ގަރަންކްވިސްޓެވެ.
މި ޕެނަލްޓީ ދިނުމަށް ރެފްރީ ނިންމީ ވީޑިއޯ ރީޕްލޭ ބެލުމަށް ފަހުގައެވެ.
މި މެޗަށް ޖުމްލަގޮތެއްގައި ބަލާއިރު ގިނަ އިރު ބޯޅަ ގެންގުޅެ ގިނަ ހަމަލާތައް އުފައްދާފައި ވަނީ ސްވިޑެން އިންނެވެ. އެގޮތުން އެޓީމުން ވަނީ ސައުތް ކޮރެއާގެ ގޯލަށް އަމާޒުކޮށް 15 ހަމަލައެއް ފޮނުވާލާފައެވެ.
މީގެ އިތުރުން މި މެޗަކީ މިފަހަރުގެ ވޯލްޑްކަޕްގައި މިހާތަނަށް އެންމެ ގިނަ ފައުލް ފެނިގެން ދިޔަ މެޗެވެ. އެގޮތުން މި މެޗްގައި ދެ ޓީމްގެ ފަރާތުން 42 ފައުލް ފެނިގެން ގޮސްފައިވެއެވެ.
ގްރޫޕް އެފްގެ ޕޮއިންޓް ޓޭބަލަށް ބަލާއިރު މެކްސިކޯ އާއި ސްވިޑެން އަށް ވަނީ 3 ޕޮއިންޓް ލިބިފައެވެ. ޖަރުމަނާއި ކޮރެއާއަށް އަދި ޕޮއިންޓެއް ނުލިބެއެވެ.