ފީފާ ވޯލްޑްކަޕް 2018ގެ ގްރޫޕް ޖީގައި އިނގިރޭސިވިލާތާއި ޓިއުނީޝިޔާ ކުޅުނު މެޗް އިނގިރޭސިވިލާތުން ކާމިޔާބުކޮށްފިއެވެ. މިމެޗް އިނގިރޭސިިލާތުން ކާމިޔާބުކުރީ 1-2 އިންނެވެ.
މިމެޗްގައި ފުރަތަމަ ލަނޑު ޖަހައި ލީޑު ނެގީ އިނގިރޭސިވިލާތުންނެވެ. މި ލަނޑު ކާމިޔާބުކޮށްދިނީ އެޓީމުގެ ކެޕްޓަން ހެރީ ކޭން އެވެ.
ކޭންގެ ލަނޑަށް ފަހު އިނގިރޭސިވިލާތަށް އެޓީމުގެ ލީޑު ފުޅާކުރާނެ ހުސް ފުރުސަތުތަކެއް ލިބުނު ނަމަވެސް އޭގެ ބޭނުން ހިފޭގޮތެއް ނުވިއެވެ.
ޓިއުނީޝިޔާ އަށް މެޗްގެ ނަތީޖާ ހަމަހަމަ ކޮށްދިނީ ޕެނަލްޓީއަކުން ފެރްޔާނީ ސައްސީއެވެ.
ދެވަނަ ހާފުގައި އިނގިރޭސިވިލާތުން ލަނޑެއް ޖެހުމަށް ވަރަށް ބޮޑަށް މަސައްކަތް ކޮށްފައިވާއިރު، ހުސް ފުރުސަތުތަކެއް ވެސް ވަނީ ތަނަވަސްކޮށްފައެވެ. އެގޮތުން އެޓީމުގެ ލެސީ ލިންގާރޑް އަށް މުޅިން ހުސްކޮށް ލިބުނު ފުރުސަތެއްގައި އޭނާ ފޮނުވާލި ބޯޅައިގެ ހުރަހަކަށްވީ ގޯލުގެ ދަނޑިއެވެ.
އިނގިރޭސިވިލާތް މިމެޗުން މޮޅުވި ލަނޑު މެޗުގެ އިތުރު ވަގުތުގެ ތެރޭގައި ކާމިޔާބުކޮށްދިނީ ވެސް ހެރީ ކޭން އެވެ.