ފީފާ ވޯލްޑްކަޕް 2018ގެ އިނގިރޭސިވިލާތުން ކުޅުނު ފުރަތަމަ މެޗްގައި އެ ޓީމުގެ ޑިފެންޑަރު ކެއިލް ވޯކާގެ އަމަލުތައް ހުރި ގޮތުން އޭނާ އަކީ "ސިކުނޑި ނެތް މީހެއް" ގޮތަށް އިނގިރޭސި ސަޕޯޓަރުން ސިފަކޮށްފިއެވެ.
އިނގިރޭސި ސަޕޯޓަރުންގެ ފާޑުކިޔުން ވޯކާ އަށް އަމާޒުވީ، ރޭގެ މެޗްގައި ވޯކާ ޓިއުނީޝިއާގެ ކުޅުންތެރިއަކަށް ކުރި ފައުލަކާ ގުޅިގެން ޕެނަލްޓީ އެއް ލިބުމުންނެވެ. އިނގިރޭސިވިލާތުން ވަރަށް ރަނގަޅަށް ކުޅެމުން ދަނިކޮށް ޓިއުނީޝިޔާއަށް ލިބުނު ޕެނަލްޓީ ކާމިޔާބުކޮށް އެޓީމުން ނަތީޖާ ހަމަހަމަ ކުރުމުން މުޅި އިނގިރޭސި ޓީމު ޕްރެޝަރަށް ވެއްޓުނެވެ.
ޕެނަލްޓީ އޭރިޔާގެ ތެރޭގައި ވޯކާ ކުރި ފައުލް އާއި ގުޅިގެން ހިތްހަމަ ނުޖެހުން ފާޅުކުރި ބައެއް ފަރާތްތަކުން ވަނީ އޭނާ އެ ބޯޅައިގައި ބޮލުން ނުޖެހީ ކީއްވެގެންތޯ ސުވާލުކޮށްފައެވެ. އަދި "މޮޔަ" މީހަކު ދަނޑު މައްޗަށް އެރުވީ ކީއްވެގެންތޯ ވެސް އިނގިރޭސި ސަޕޯޓަރުން ވަނީ ޓްވިޓަރގައި ސުވާލު އުފައްދާފައެވެ.
Pure stupidity from Kyle Walker. Brainless
— James Pearce (@JamesPearceEcho) June 18, 2018
https://platform.twitter.com/widgets.js
ފާޑުކިޔުންތައް އަމާޒުވެފައި ވަނިކޮށް ވޯކާ ބުނެފައިވަނީ ޓިއުނީޝިޔާ ކުޅުންތެރިޔާ އައިސް އޭނާގެ އަތުގައި ޖެހިގަތީ ކަމަށެވެ. އަދި އެއީ ޕްރިމިއަރ ލީގުގައި ނަމަ ފައުލް އެއް ކަމަށް ނުބަލާނެ ކަމަށް ވެސް ވޯކާ ވަނީ ބުނެފައެވެ.
ވޯކާ އިތުރަށް ބުނެފައިވަނީ އޭނާއަށް ރޭގެ މެޗްގައި ރަނގަޅު އަދި ގޯސް ކަންތައް ވެސް ކުރެވިފައިވާ ކަމަށެވެ. އެހެން ނަމަވެސް ޓީމަށް މުހިއްމުވީ 3 ޕޮއިންޓް ކަމަށާއި އެކަން ހާސިލްވެފައިވާ ކަމަށެވެ.