އަންނަ ސެޕްޓެމްބަރު މަހުގެ 23 ވަނަ ދުވަހު ބޭއްވުމަށް ތާވަލްކޮށްފައިވާ މިއަހަރުގެ ރިޔާސީ އިންތިޚާބަށް އައްޑޫގައި ހަރަކާތްތެރިވާ އެމްޑީޕީގެ ގޮފިތަކުން ފަށައިފި އެވެ.
އެމްޑީޕީ އައްޑޫ ދާއިރާ އިން މައުލޫމާތު ދޭ ގޮތުގައި، އައްޑޫގެ ހުރިހާ އަވަށެއްގައި ވެސް ރިޔާސީ އިންތިޚާބަށް ތައްޔާރުވުމުގެ މަސައްކަތް މިހާރު އަންނަނީ ކުރަމުންނެވެ.
އެގޮތުން ކެމްޕެއިން ކުރިއަށް ގެންދާނެ ގޮތާއި އަދި ކެމްޕެއިންގައި އިސްކޮށް ހަރަކާތްތެރި ވާނެ ފަރާތްތައް ކަނޑައެޅުމުގެ މަސައްކަތް ގޮފިތަކުން މިހާރު ދަނީ ކުރަމުންނެވެ.
Addu City Hithadhoo Uthuru Dhaairaage Voters list check kurumuge masaikaiy pic.twitter.com/p1AC6qWYyw
— MDP Secretariat (@MDPSecretariat) June 18, 2018
އެމްޑީޕީ ހިތަދޫ މެދު ދާއިރާ އިން ބުނި ގޮތުގައި އަމާޒަކީ ހިތަދޫ މެދު ދާއިރާ އާއި ދެކުނު ދާއިރާއިން %75 ހޯދުން ކަމަށެވެ. އަދި އެކަމަށް ދެކުނު ދާއިރާ އާއި މެދު ދާއިރާގެ އެމްޑީޕީ އެކްޓިވިސްޓުން ގުޅިގެން މަސައްކަތް ކުރަމުން އަންނަ ކަމަށެވެ.
އައްޑޫގައި އެމްޑީޕީން ރިޔާސީ އިންތިޚާބަށް ތައްޔާރުވާން ފެށިއިރު އެހެން އެއްވެސް ޕާޓީއަކުން އިންތިޚާބަށް ތައްޔާރުވުމުގެ މަސައްކަތްތަކެއް އަދި ފަށައިފައެއް ނު ވެއެވެ.