* ބޭނުންވާ ތަކެތި:
1 ޕެކެޓް ޕާސްޓާ (ބޭނުން ވައްތަރެއް)
12 ޗެރީ ޓޮމާޓޯ (ދެފަޅިކޮށްފައި)
3 ބޮޑު ޓޮމާޓޯ (ކުދިކޮށް ކޮށާފައި)
1 ފިޔާ (ކުދިކޮށް ކޮށާފައި)
4 ލޮނުމެދު (ތުނިކޮށް ކޮށާފައި)
½ ސަމުސާ މުގުރި ހިކިމިރުސް
2 ސަމުސާ ޒައިތޫނި ތެޔޮ
ލޮނު، އަސޭމިރުސް
4 ½ ފެން
1 ޖޯޑު ކިރު
2 ޖޯޑު ޗީޒް (ގާނާފައި)
* ތައްޔާރުކުރާނެ ގޮތް:
ތެއްޔަކަށް ފެން އެޅުމަށް ފަހު އޭގެ ތެރެއަށް ޕާސްޓާ، ޗެރީ ޓޮމާޓޯ، އާދައިގެ ޓޮމާޓޯ، ފިޔާ، ލޮނުމެދު، މުގުރި ހިކިމިރުސް، ތެޔޮ، ލޮނު، އަސޭމިރުސް އަޅާ ގަދަ ގިނީގައި ކައްކާށެވެ. ކައްކަމުންދާ އިރު އުދުޅިން އިރުކޮޅުކޮޅާ ހުރިހާ އެއްޗެއް މިކްސް ކުރަމުންދާށެވެ.
ދެން ތެލީގައި ހުރި ތަކެތީގެ ތެރެއަށްކިރާއި، ގާނާފައި ހުރި ޗީޒް އެޅުމަށް ފަހު މަތި ޖަހާލައި، ފަސްމިނެޓު މަޑުގިނީގައި ކައްކާލާށެވެ.