ދިއްގަރު ދާއިރާގެ މަޖިލިސް މެންބަރު އަދި ކުރީގެ ރައީސް މައުމޫންގެ ދަރިކަލުން ފާރިސް މައުމޫންގެ މައްޗަށް ދައުލަތުން އުފުލާފައިވާ ޝަޚުސު އޮޅުވާލި ކަމަށް ބުނާ މައްސަލާގައި އެބޭފުޅާ އާއި އެއްކޮޅަށް 5 މީހަކު ހެކިބަސް ދީފިއެވެ.
މިއަދުގެ ޝަރީޢަތުގެ އަޑުއެހުމުގައި ހެކި ބަސް ދިން ފަސް މީހުން ވަނީ އެ ދުވަހުގެ ނޫސްވެރިންގެ ބައްދަލުވުމުގައި ފާރިސް، ޕީޕީއެމްގެ ދިދަ އާއި ލޯގޯ ގެންގުޅުއްވާފައި ނުވާ ކަމަށް ބުނެފައެވެ.
އަދި ފާރިސް ތަމްސީލް ކުރެއްވީ ޕީޕީއެމްގެ ހައިސިއްޔަތުން ނޫން ކަމަށް ވެސް ހެކި ބަސް ދިން މީހުން ވަނީ ބުނެފައެވެ.
ފާރިސްގެ މައްޗަށް ކުރާ ދައުވާގެ އަޑުއެހުމެއް މާދަމާ ވެސް އޮންނާނެއެވެ. ގާޒީ ވިދާޅުވި ގޮތުގައި މާދަމާ މެންދުރު ފަހު އޮންނަ އަޑުއެހުމަކީ ޚުލާސާ ބަޔާން އިއްވުމަށް ބާއްވާ އަޑުއެހުމެކެވެ.
ފާރިސްގެ ޝަރީޢަތް ވަރަށް ހަލުވި ސްޕީޑެއްގައި ކުރިއަށް ދާއިރު މި ހަފްތާ ތެރޭގައި ފާރިސްގެ މައްޗަށް ހުކުމެއް އަންނާނެ ކަމަށް ސިޔާސީ ފަރާތްތަކުން ދަނީ ބުނަމުންނެވެ.