ފީފާ ވޯލްޑްކަޕް 2018ގައި ބްރެޒިލް އިން ކުޅުނު ދެވަނަ ކާމިޔާބުކޮށްފިއެވެ.
ކޮސްޓަރީކާ އާއި ބްރެޒިލް ބައްދަލު ކުރި މެޗް ބްރެޒިލް އިން ކާމިޔާބު ކުރީ 0-2 އިންނެވެ.
ބްރެޒިލްގެ ލަނޑުތައް ޖަހައި ދިނީ މެޗްގެ އެންމެ ފަހު ވަގުތު ކޮޅުގެ ތެރޭގައި ފިލިޕް ކޯޓީނިއޯ އާއި ނޭމާއެވެ.
ސެއިންޓް ޕީޓަސްބަރގް ސްޓޭޑިއަމްގައި ކުޅުނު މިމެޗްގައި ގިނަ ވަގުތު ބޯޅަ ގެންގުޅެ ގިނަ ހަމަލާތައް އުފައްދާފައިވަނީ ބްރެޒިލް އިންނެވެ.
ބްރެޒިލްގެ ފަރާތުން މޮޅު ކުޅުމެއް ފެނުނު މިމެޗްގެ ދެވަނަ ހާފްގައި ބްރެޒިލް އަށް ޕެނަލްޓީއެއް ދިނުމަށް ރެފްރީ ނިންމި އެވެ. އެހެން ނަމަވެސް ވީއޭ އާރް އިން އިތުރަށް ބެލުމަށް ފަހު ރެފްރީ ވަނީ އެ ނިންމުން ބަދަލުކޮށްފައެވެ.
ކޮސްޓަރީކާ އަތުން ލިބުނު މޮޅާއި އެކު ބްރެޒިލް އަށް ވަނީ 4 ޕޮއިންޓާއި އެކު ގްރޫޕްގެ އެއްވަނަ ލިބިފައެވެ. އަދި ކޮސްޓަރީކާ ވަނީ މުބާރާތުން ކަޓާފައެވެ.