އިންޑިއާ އަށް ގިނަ އަދަދެއްގެ ޕާޓީ ޑްރަގްސް އެތެރެކުރި ޗައިނާގެ ގްރޫޕެއް އަތުލައިގެންފިއެވެ.
އިންޑިޔާގެ ނޫސް ރިޕޯޓްތައް ބުނާ ގޮތުގައި ފަސް މީހުންގެ ގްރޫޕް އަތުލައިގެންފައިވަނީ ކަލްކަތާގެ ރޭލު ސްޓޭޝަނުން ނިކުތް ވަގުތުއެވެ. އެމީހުން ހައްޔަރުކޮށް ބެލިއިރު ދަބަހުގެ ތެރެއިން 197 ޕެކެޓް ޕާޓީ ޑްރަގްސް ފެނިފައިވާ ކަމަށް ކަލްކަތާގެ ފުލުހުން ވަނީ ބުނެފައެވެ.
ކަލްކަތާގެ ފުލުހުން ބުނެފައިވާ ގޮތުގައި އަތުލައިގަތް މަސްތުވާތަކެތީގެ އަގު 40 ކުރޯޑް ރުޕީސް (ދިހަ މިލިއަން ރުފިޔާ) އަށް ވުރެ މަތިވާނެ އެވެ.
މީގެ އިތުރުން ކަލްކަތާގެ ފުލުހުން ބުނެފައިވާ ގޮތުގައި އެމީހުން ހައްޔަރު ކުރަން އުޅުމުން ވަރަށް ގިނަ ފައިސާ ރިޝްވަތުގެ ގޮތުގައި ވަނީ ހުށަހަޅާފައެވެ.
އެހެން ނަމަވެސް އެއިން އެއްވެސް ހުށަހެޅުމަކަށް އެ ވަގުތު އެތަނުގައި ހަރަކާތްތެރިވި ފުލުހުން އެއްބަސްވެފައެއް ނުވެއެވެ.