އައްޑޫ ސިޓީ ހިތަދޫ ބޮޑު މަގުގައި ދެ ސައިކަލެއް ޖެހި ހިނގި އެކްސިޑެންޓެއްގައި މީހަކަށް ސީރިއަސް އަނިޔާތަކެއް ވެއްޖެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި މި އެކްސިޑެންޓް ހިނގާފައި ވަނީ ބާރު ސްޕީޑްގައި ދުއްވާފައި ދިޔަ ސައިކަލަކުން އެހެން ސައިކަލެއްގައި ޖެހިގެންނެވެ.
ސީރިއަސް އަނިޔާތަކެއް ވެގެން ފަރުވާ ދެމުން ދަނީ ބާރު ސްޕީޑްގައި ދުއްވާފައި ދިޔަ ސައިކަލުގައި ތިބި 2 ފިރިހެނުންގެ ތެރެއިން އެކަކަށެވެ. އެކްސިޑެންޓްވި އަނެއް ސައިކަލްގައި އިން އަންހެން މީހާ އަށް ވެސް ވަނީ ކޮންމެވެސް ވަރެއްގެ އަނިޔާތަކެއް ވެފައެވެ.
އެކްސިޑެންޓްގައި އަނިޔާވި މީހުންނަށް ހިތަދޫ ރީޖަނަލް ހޮސްޕިޓަލަށް މިހާރު ވަނީ ގެންގޮސްފައެވެ.
ހިތަދޫ ރީޖަނަލް ހޮސްޕިޓަލް ހިންގުމާއި ހަވާލުވެ ހުންނެވި ސީނިއާ ކޮމިއުނިޓީ އޮފިސަރ މުހައްމަދު ނަޖީބު ވިދާޅުވީ އެކްސިޑެންޓުވެގެން 27 އަހަރާއި 25 އަހަރުގެ ދެ ޒުވާނުން ހިތަދޫ ރީޖަނަލް ހޮސްޕިޓަލަށް ގެނެސް ފަރުވާ ދެމުން އަންނަ ކަމަށެވެ.
ނަޖީބު ވިދާޅުވީ ދެމީހުންގެ ހަށިގަނޑުގެ އެކިތަންތަން މަށައިގެން ގޮސްފައިވާ އިރު ބޭރު ފުށުން ސީރިއަސް އަނިޔާއެއް ފެންނަން ނެތްކަމަށެވެ. ނަމަވެސް އެމީހުންގެ އެކްސްރޭ ނެގުމަށްފަހު ލިބިފައިވާ ގެއްލުން ބަލަމުން އަންނަ ކަމަށެވެ.
އިތުރު ތަފްސީލް އަންނަނީ