އައްޑޫ ސިޓީ ކައުންސިލް އިދާރާ އަށް ވަގުތީ ތިން އެސިސްޓެންޓް ސޭވެޔަރުން ހޯދަން އިއުލާންކޮށްފި އެވެ.
ކައުންސިލުން ބުނީ އެ މަގާމްތަކަށް ވަގުތީ މުވައްޒަފުން ބޭނުން ވަނީ ވަޒީފާ ހަމަޖެހޭ ދުވަހުން ފެށިގެން ޑިސެމްބަރު މަހުގެ ނިޔަލަށް ކަމަށެވެ. އެ މުވައްޒަފުން މަސައްކަތް ކުރަން ޖެހެނީ ކަައުންސިލްގެ ޓްރާންސްޕޯޓް އެންޑް އިންފްރާސްޓްރަކްޗަ ޑިޕާޓްމަންޓްގަ އެވެ.
މި ވަޒީފާގެ މަސްއޫލިއްޔަތަކީ އައްޑޫގެ ލޭންޑް ސާވޭކޮށް އިން ވަކި ކުރުމާއި އައްޑޫގެ ބިން ބޭނުން ކުރާނެ ގޮތުގެ ޗާޓް ކުރެހުމުގައި ކުރަން ޖެހޭ އިދާރީ އަދި ޓެކްނިކަލް މަސައްކަތް ކުރުމެވެ.
މި ވަޒީފާތަކަށް އެދޭ ފަރާތްތަކަށް ކުރިމަތިލުމުގެ ފުރުސަތު އަންނަ މަހުގެ 9 ވަނަ ދުވަހާ ހަމައަށް ވަނީ ހުޅުވާލާފަ އެވެ. މުސާރައަކީ 4،465ރ. އެވެ. އަދި ސާވިސް އެލަވަންސްގެ ގޮތުގައި 1،500ރ. ލިބޭނެ އެވެ. މީގެ އިތުރުން އިތުރު ގަޑި އާއި ބަންދު ދުވަހުގެ ފައިސާ "ދިވެހި ސިވިލް ސާރވިސްގެ ޤަވާޢިދު"ގައި ކަނޑައެޅިފައިވާ ގޮތުގެ މަތިން ލިބޭނެ އެވެ.
މިކަމާ ބެހޭ އިތުރު މައުލޫމާތު ކައުންސިލްގެ ވެބް ސައިޓުން ލިބޭނެ އެވެ.