ރެއާލް މެޑްރިޑަށް ކުޅެމުން އަންނަ ޕޯޗުގަލްގެ ތަރި ކްރިސްޓިއާނޯ ރޮނާލްޑޯ ޔުވެންޓަސް އަށް ގެންދަން އުޅޭ ކަމުގެ އަޑުތަކާއި އެކު އެ ކްލަބްގެ ހިއްސާގެ އަގުތައް މައްޗަށް ޖެހިލައިފިއެވެ.
އިޓަލީގެ މީޑިޔާ ރިޕޯޓްތައް ބުނާގޮތުގައި ރޮނާލްޑޯ ޔުވެންޓަސް ދިއުމަށް އެއްބަސްވެފައިވާ ކަމުގެ އަޑު ފެތުރުމާއި އެކު މިހާރު އެ ޔުވެންޓަސްގެ ހިއްސާއެއްގެ އަގު 11 ޕަސެންޓަށް ވަނީ އުފުލިފައެވެ.
އަދި ރޮނާލްޑޯ ރަސްމީކޮށް ޔުވެންޓަސް އާއި ގުޅުމުން އެ ކްލަބްގެ އަގު އިތުރަށް އުފުލިގެން ދާނެ ކަމަށް ވެސް އިޓަލީގެ ފުޓްބޯޅައިގެ ތަޖުރިބާކާރުން ވަނީ ލަފާކޮށްފައެވެ.
ރެއާލް މެޑްރިޑާއި އެކު ގިނަ ކާމިޔާބީތައް ހޯދާފައިވާ ރޮނާލްޑޯ ވަނީ 5 ފަހަރު ދުނިޔޭގެ އެންމެ މޮޅު ކުޅުންތެރިޔާގެ މަގާމު ހޯދާފައެވެ.
މަޝްހޫރު ބައެއް ކުޅިވަރު ވެބްސައިޓްތަކުގައި ބުނެފައިވާ ގޮތުގައި ރޮނާލްޑޯ ގަންނަން ޔުވެންޓަސް އިން ރެއާލް އަށް ހުށަހަޅާފައި ވަނީ 100 މިލިއަން ޕައުންޑެވެ.