ރިޔާސީ އިންތިޚާބޭ ބެހޭ ގާނޫނަށް ގެނެސްފައިވާ ދެ އިސްލާހެއް މަޖިލީހުން ފާސްކޮށް، ފޮނުވުމުން، މިއަދު ރައީސް އަބްދުﷲ ޔާމީން ދެ އިސްލާހު ތަސްދީގު ކުރައްވައިފި އެވެ.
ރައީސް ތަސްދީގު ކުރައްވާފައިވަނީ ބޭރުގެ ރަށްވެހިކަން ދޫކޮށްލާ ދިވެހިންނަށް ރަށްވެހިކަން ދޫކޮށްލިތާ 10 އަހަރު ވުމުން އިންތިޚާބުގައި ވާދަކުރެވޭ ގޮތަށް ގާނޫނަށް ބަދަލު ގެނައި އިސްލާހާއި އިންތިޚާބުގައި ވާދަކުރައްވަން ދައްކަން ޖެހޭ އަގު އެއް ލައްކަ ރުފިޔާއަށް ބޮޑުކުރުމަށް މަޖިލީހުން ފާސްކުރި އިސްލާހެވެ.
ސަރުކާރުގެ ފަރާތުން މި ދެއިސްލާހު ވެސް ހުށައަޅާފައިވާއިރު މަޖިލީހުގެ ޖަލްސާއެއް ގައި މިދިޔަ އިދިކޮޅު އެއްވެސް މެމްބަރަކު ބައިވެރިނުވާތާ އަހަރަކަށް ވުރެ ގިނަ ދުވަސް ވެއްޖެއެވެ.
އަދި ގާނޫނުގައި ބުނެފައިވާ ގޮތުގެ މަތިން ރައްޔިތުން އެއަށް އަމަލު ކުރަން ޖެހޭ ގާނޫނެއް މަޖިލީހުގެ ތިންބައި ކުޅަ އެއްބައި މެމްބަރުން ނެތީސް ފާސްނުކުރެވޭނެ ކަމަށް ބުނެފައި އޮތް ނަމަވެސް މަޖިލީހުގެ ރައީސް މަސީހު ވަނީ ނެތް ގާނޫނެއް އުފައްދައި އެއަދަދު ހަމަނުވަނީސް ވޯޓަށް އަހާފައެވެ. ގާނޫނީ މާހިރުން ވަނީ މަސީހުގެ މި ނިންމުންތަކަށް ވަރަށް ބޮޑަށް ފާޑުވިދާޅުވެފައެވެ.