ޔޫތު މިނިސްޓްރީގެ ކޯޑިނޭޓަރަކަށް ޕީޕީއެމްގެ ޓިކެޓުގައި ފާއިތުވެދިޔަ ލޯކަލް ކައުންސިލް އިންތިޚާބުގައި ހިތަދޫ މެދު ދާއިރާގެ ގޮނޑިއަށް ވާދަކުރެއްވި ސ. ހިތަދޫ، ވެލްކަމް، ހުސެއިން ރަޝީދު މިއަދު އައްޔަން ކޮށްފިއެވެ.
ޔޫތް މިނިސްޓްރީގެ ކޯޑިނޭޓަރުގެ މަގާމަށް ހުސެއިން އައްޔަން ކޮށްފައިވަނީ މިދިޔަ ޖެނުއަރީ މަހު އެ މިނިސްޓްރީގެ ކޯޑިނޭޓަރުގެ މަގާމު ފުރުއްވަމުން އައި ހުސެއިން އަމީން ވަކިކޮށްފައިވަނިކޮށެވެ.
ހުސެއިން ރަޝީދަކީ ހިތަދޫ ޕޯޓް ލިމިޓެޑް ހިންގެވުމާ ހަވާލުވެގެން ހުންނެވި މުހައްމަދު ރަޝީދު(މެޓްރިކްސް މޯޑް) ގެ ކޮއްކޮއެވެ. ޕީޕީއެމް ޓިކެޓުގައި ވާދަކުރެއްވުމަށް ލިބިވަޑައިގެންނެވި ނާކާމިޔާބީއަށް ފަހު ހުސެއިން ސިޔާސީ ހަރަކާތްތަކުން ފެންނަ މިންވަރު ވަނީ މަދުވެފައެވެ.