ސަލާމަތީ ބާރުތައް ނެރެގެން ޝަރީޢަތުގެ ބޭރުން އެއްވެސް މީހަކު ހިފާ ހައްޔަރުކޮށްފައި ނުވާނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
ދިއްގަރުގެ ރައްޔިތުންނާއި މުޚާތަބުކުރައްވައި ވާހަކަ ދައްކަވަމުން މިއަދު ރައީސް ޔާމީން ވިދާޅުވި ގޮތުގައި އެމަނިކުފާނުގެ ވެރިކަމުގައި "ސިފައިންނާއި ފުލުހުން ނެރެގެން މީހުން ހައްޔަރު ނުކުރަން" ކަމަށެވެ.
ރައީސް ޔާމީން ވިދާޅުވި ގޮތުގައި އެމަނިކުފާނުގެ ސަރުކާރުން ކުރަމުން ގެންދާ ކަމަކީ ހުރިހާ އެންމެންނާއި މެދު ވެސް "އެއްހަމަ އަކުން އިންސާފު ޤާއިމްކުރުން" ކަމަށެވެ. އަދި އެ މަސައްކަތުގެ ތެރޭގައި ބަންދުގައި "ގެންގުޅެން އުނދަގޫ އެތައް އިސް ބޭފުޅުންނެއް މިވަގުތު އެތިއްބެވީ ޝަރުޢީ ހުކުމަކާއި އެކު ބަންދުގައި" ކަމަށް ރައީސް ވިދާޅުވިއެވެ.
އެހެން ނަމަވެސް އެއީ ފަހަރެއްގައި ވެސް އެއީ ކުރީގެ ރައީސް ނަޝީދު ކަންކުރެއްވި ގޮތަށް ކަންތައް ކުރެއްވީ ނޫން ކަމަށް ރައީސް ޔާމީން ވަނީ ވިދާޅުވެފައެވެ.
"އަޅުގަނޑު ސިފައިންނާއި ފުލުހުން ނެރެގެން މީހުން ހައްޔަރެއް ނުކުރަން. ޤާނޫނުގެ ބޭރުން ޝަރީޢަތުގެ ބޭރުން އެއްވެސް މީހަކު ހިފާ ހައްޔަރެއް ނުކުރަން." ރައީސް ޔާމީން ވިދާޅުވިއެވެ.