އިދިކޮޅު އިއްތިހާދުގެ ފަރާތުން ރިޔާސީ އިންތިޚާބުގައި ވާދަކުރައްވާ އިބްރާހިމް މުހައްމަދު ސޯލިޙް(އިބޫ) ގެ ކެމްޕެއިން އަށް ހުޅުމާލޭގައި ހަރަކާތްތެރިވި ޓީމުގެ މެންބަރުން ގަޔަށް ކަޅޮ ތެޔޮ ޖަހައިފިއެވެ.
އިރުއޮއްސި 6 ޖަހާކަށް ހާއިރު އިބޫގެ ޓީމުގެ މެމްބަރުން ގަޔަށް ކަޅު ތެޔޮ ޖެހި އިރު އިބޫ ހުންނެވީ ނޫސްވެރިންނާއި ބައްދަލު ކުރައްވައި ވާހަކަފުޅު ދައްކަވާށެވެ.
އިބޫގެ ޓީމު މެމްބަރުން ގަޔަށް ކަޅު ތެޔޮ ޖެހި އިރު މިއަދު 3 ފަހަރެއްގެ މަތިން ގްރޫޕަކުން ވަނީ އިބޫގެ ކެމްޕެއިން ޓީމާއި ދިމާކޮށްފައެވެ. އެގޮތުން މިއަދު ހަވީރު އިބޫގެ ކެމްޕެއިން ޓީމު ހުޅުމާލެ ސެންޓްރަލް ޕާކް ސަރަހައްދުން ހިނގާފައި ދަނިކޮށް ދެ މީހަކު ވަނީ އިބޫގެ ހަށިކޮޅަށް އަތްލައި މާރާމާރީ ހިންގަން މަސައްކަތް ކޮށްފައެވެ.
ސޯޝަލް މީޑިއާގައި އާއްމުވެފައިވާ ވީޑިއޯތަކުގައި ފުލުހުން މި ހަމަނުޖެހުން ހިނގި ސަރަހައްދުގައި ތިބޭތަން ފެނެއެވެ. އެމީހުންގެ ފަރާތުން އެކަން ހުއްޓުވުމަށް މަސައްކަތް ނުކުރާތީ އާއްމު ރައްޔިތުން ދިޔައީ ނުރުހުން ފާޅު ކުރަމުންނެވެ.
އިދިކޮޅު ފަރާތްތަކުން ކެމްޕެއިންއަށް ހިނގަން ފެށުމުން ހުރަސް އަޅައި ހަމަ. ނުޖެހުން އުފައްދަން މަސައްކަތް ކުރާއިރު ކަމާއި ބެހޭ ފަރާތްތަކުން މިކަން ހައްލު ކުރުމަށް އެއްވެސް މަސައްކަތެއް ކުރާ ތަނެއް ނުފެނެއެވެ.
ތަފްސީލް އަންނަނީ…