ރެއާލް މެޑްރިޑަށް ކުޅެމުން އަންނަ ޕޯޗުގަލްގެ ތަރި ކްރިސްޓިއާނޯ ރޮނާލްޑޯ އިޓަލީގެ ޔުވެންޓަސް އަށް ބަދަލުވާން ނިންމައިފިއެވެ.
ޔުވެންޓަސްގެ އޮފިޝަލުންނާއި ހަވާލާދީ ބައިނަލްއަޤްވާމީ ކުޅިވަރު ރިޕޯޓުތައް ބުނާ ގޮތުގައި، އޭނާ ޔުވެންޓަސް އަށް ރޮނާލްޑޯ ވިއްކާލަން ރެއާލް އިން އެއްބަސްވެފައި ވަނީ 105 މިލިއަން ޔޫރޯ އަށެވެ.
ރެއާލް މެޑްރިޑުން ނެރުނު ބަޔާނެއްގައި ވެސް ވަނީ ރޮނާލްޑޯ ޔުވެންޓަސް އަށް ވިއްކާލަން އެއްބަސްވުމަކަށް އާދެވިފައިވާ ކަމަށް ބުނެފައެވެ.
ރެއާލް މެޑްރިޑަށް ގިނަ ކާމިޔާބީތަކެއް ހޯދައިދިން ރޮނާލްޑޯ ވަނީ އެކްލަބަށް 451 ގޯލް ކާމިޔާބުކޮށްދީފައެވެ. އެ ކްލަބާއި އެކު ހޭދަކުރި 9 އަހަރުގެ ތެރޭގައި 16 ތައްޓެއް ރެއާލް އިން ވަނީ ހޯދާފައެވެ.
ރިޕޯޓްތައް ބުނާ ގޮތުގައި މިވަގުތު ގްރީސްގައި ޗުއްޓީ ހޭދަކުރަމުން ގެންދާ ރޮނާލްޑޯ މެޑިކަލް ޓެސްޓްތައް ފުރިހަމަކުރުމަށް އަންނަ ހަފްތާގައި އިޓަލީއަށް ދާނެއެވެ.