އައްޑޫ ސިޓީ ކައުންސިލް އިދާރާގައި މަސައްކަތް ކުރާ މުވައްޒަފުންގެ ހުނަރުތައް ތަރައްޤީކުރުމަށް ޚާއްސަ ޕްރޮގްރާމެއް ފަށައިފިއެވެ.
"ސްކިލްސް ޑެވެލޮޕްމަންޓް" ޕްރޮގްރާމްގެ ނަމުގައި 3 ދުވަހުގެ މުއްދަތަކަށް ހިންގާ މި ޕްރޮގްރާމަކީ އައްޑޫ ސިޓީ ކައުންސިލާއި ލޯކަލް ގަވަމަންޓް އޮތޯރިޓީ ގުޅިގެން ކުރިއަށް ގެންދާ ޕްރޮގްރާމެކެވެ.
މި ތަމްރީނުގައި ކައުންސިލްގެ އިދާރާގެ މުވައްޒަފުންގެ ތެރެއިން 20 މުވައްޒަފަކު ބައިވެރިވެއެވެ. ކޮންމެ ދުވަހަކުވެސް ހެނދުނު 8:30 ން 16:00 އަށް ކުރިއަށް ގެންދާ މި ޕްރޮގްރާމް ހިންގަނީ އެލްޖީއޭގެ ބޭފުޅުންނެވެ.
އެއީ އެލްޖީއޭގެ އެޑްވޮކެޓަރ ޕަބްލިކް އެޑްމިނިސްޓެރޭޝަން، މުޙައްމަދު ޝަނޫން އާއި، އެޑްވޮކެޓަރ ޕަބްލިކް ފައިނެންސް، އަހުމަދު ވިސާމް އާއި ޑިރެކްޓަރ، އަހުމަދު ހަސަން އެވެ.