އައްޑޫ ސިޓީ މަރަދޫ ހެލްތް ސެންޓަރުގެ ފެންމޯޓަރު ހަލާކުވުމުން އެތަނުގައި ތިބި ބަލިމީހުން ފޭދޫ ސިއްހީ މަރުކަޒަށް ބަދަލުކޮށްފިއެވެ.
"އައްޑޫލައިވް"އަށް މައުލޫމާތު ލިބިފައިވާ ގޮތުގައި ސިއްހީ މަރުކަޒުގެ ފެން މޯޓަރު ހަލާކުވުމާއި ގުޅިގެން އެތަނުގައި އެޑްމިޓް ކޮށްފައިވާ ހުރިހާ ބަލި މީހުން ވަނީ ފޭދޫ ސިއްހީ މަރުކަޒަށް ބަދަލުކޮށްފައެވެ.
މަރަދޫ ސިއްހީ މަރުކަޒުގެ ފެން މޯޓަރ މައްސަލަ ޖެހި ބޭނުން ނުކުރެވޭއިރު އެ މޯޓަރަކީ ދޭތެރެ ދޭތެރެއިން މައްސަލަ ޖެހޭ މޯޓަރެއްކަމަށް މައުލޫމާތު ލިބެއެވެ.
މަރަދޫން ވާހަކަ ދެއްކި މީހަކު ބުނީ ސިއްހީ މަރުކަޒުގެ ފެން މޯޓަރަކީ މައްސަލަ ޖެހިގެން ހައްކލު ނުކުރެވޭ ހިސާބުގައި ހުރި އެއްްޗެއް ނޫން ކަމަށާއި، އެކަން ސަރުކާރުން ހައްލު ކޮށް ނުދެއްވިއްޖެނަމަ ރައްޔިތުންވެސް ހައްލުކޮށްދީފާނެކަމަށެވެ.
މަރަދޫ ސިއްހީ މަރުކަޒުގެ ފެން މޯޓަރު މައްސަލަ ޖެހިފައިވާ އިރު ހިތަދޫ ރީޖަނަލް ހޮސްޕިޓަލުން އެކްސްރޭ ނުނެގޭތާ މަސް ދުވަސް ވަނީ އެވެ. އެކަންވެސް އަދި ހައްލެއް ނުވެއެވެ.