ރާއްޖޭގެ މަސްވެރިކަމާއި ދަނޑުވެރިކަމުގެ ސިނާޢަތަށް މި ސަރުކާރުން ގެނެސްފައިވާ އެންމެ ކުރިއެރުމެއްގެ ވާހަކަ ބުންޏަސް ރައީސް އަބްދުﷲ ޔާމީނަށް ވޯޓް ދޭނެ ކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ވިދާޅުވެއްޖެ އެވެ.
ރައީސް ޔާމީންގެ ސަރުކާރުން އިދިކޮޅު ފަރާތްތަކުން އަބަދުވެސް ގެންދަނީ ރާއްޖޭގެ މަސްވެރިންނާއި ދަނޑުވެރިންގެ ކަންބޮޑުވުންތައް ހައްލުކުރުމަށް ރައީސް ޔާމީންގެ ސަރުކާރުން އެކަށީގެންވާ މަސައްކަތަކެއް ނުކުރާ ކަމަށް ބުނަމުންނެވެ. އެގޮތުން 2013 ވަނަ އަހަރު ރައީސް ޔާމީން ވައުދުވެވަޑައިގެންނެވި ގޮތަށް "ބެޔަސް ނުބެޔަސް ދިހަ ހާސް ރުފިޔާ" ނުދޭތީ މަސްވެރިން ވެސް ސަރުކާރަށް ފާޑުކިޔަމުން ދެއެވެ.
ނިޒާރު ކުރެއްވި ޓްވީޓްގައި ވިދާޅުވީ، މަސްވެރިކަމާއި ދަނޑުވެރިކަމަށް ލިބިފައިވާ އެންމެ ކުރިއެރުމެއް ވިދާޅުވިޔަސް މަގޭ ވޯޓު ޔާމީނަށް ދޭން ވައުދުވަން" ކަމަށެވެ.
މަސްވެރިކަމާއި ދަނޑުވެރިކަމަށް ލިބިފައިވާ އެންމެ ކުރިއެރުމެއް ބުނެފިނަމަ ޔާމީން އަށް ވޯޓު ދެއްވާނެ ކަމަށް ވިދާޅުވެ ނިޒާރު ކުރެއްވި ޓްވީޓްގައި ވަނީ ފިޝަރީޒް މިނިސްޓަރ ޑރ. މުހައްމަދު ޝައިނީ ވެސް ޓެގް ކުރައްވާފައެވެ.
Raajeyge Dhanduveri kamaai Masveri kamuge Sinaayathah Yaamin ge Dhaurugai libifai vaa Emme Kuri erumei Vidhaalhu viyas magey Vote Yaamin ah dheyn Vaudhu Van. @mshainee @addulive @raajjemv @Mihaarunews @vfp_mv
— Ali Nizar (@DhekunuNizar) July 12, 2018