ދިވެހިރާއްޖެއަށް ރަލާއި އޫރުމަސް އެތެރެ ވެފައި ހުރީ އެތަނެތި ދުނިޔޭގައި ހުރުމުން ކަމަށް ރައީސް ޔާމީންގެ ރަނިން މޭޓް ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޑރ. ޝަހީމް މިހެން ވިދާޅުވީ ރާއްޖޭ ޓީވީގެ "ފަލަސުރުޚީ" ޕްރޮގްރާމްގައި ވާހަކަ ދައްކަވަމުންނެވެ.
ރިޔާސީ އިންތިޚާބު ރައީސް ޔާމީން ކާމިޔާބުކުރައްވައިފި ނަމަ ރާއްޖެއަށް ރަލާއި އޫރުމަސް އެތެރެކުރުން މަނާކުރައްވާނެތޯ ސުވާލުކުރުމުން ޝަހީމް ވިދާޅުވީ، "އިޤްތިސާދީ ކަންކަމުގެ ތެރޭގައި ހިނގާ ކަންކަމާއި އަޅުގަނޑު ނުބެހޭނަން" ކަމަށެވެ.
ޝަހީމް ވިދާޅުވި ގޮތުގައި ދުނިޔޭގެ ހުރިހާ ތަނެއްގައި ވެސް ރަލާއި އޫރުމަސް ހުންނަ ކަމަށެވެ.
މީގެ އިތުރުން ޝަހީމް ވިދާޅުވި ގޮތުގައި ރާއްޖޭގެ އިޤްތިސާދު އެކަންކަމުގެ މައްޗަށް ބިނާވެފައި ހުންނަ ކަންކަމުގެ ތެރެއަށް އެބޭފުޅާ ވަދެވަޑައި ނުގަންނަވާނެއެވެ.