ގަން އެއާޕޯޓުން ފުރައިގެން އިބްރާހިމް ނާސިރް އިންޓަނޭޝަނަލް އެއާޕޯޓަށް ދަތުރުކުރަމުން ދިޔަ މޯލްޑިވިއަންގެ ފްލައިޓެއްގެ ރާޑަރަށް މައްސަލަތަކެއް ދިމާވުމުގެ ސަބަބުން އިމަޖެންސީގައި ލ.ކައްދޫ އެއާޕޯޓުގައި ޖައްސަައިފިއެވެ.
މިރޭ 9:15 ގައި ގަމުން މާލެއަށް ފުރި ފްލައިޓް ކައްދޫ އެއާޕޯޓްގައި އިމަޖެންސީގައި ޖެއްސި ނަމަވެސް ބޯޓުން ދަތުރު ކުރި އެއްވެސް މީހަކަށް އަނިޔާއެއް ވެފައެއް ނުވެއެވެ.
މޯލްޑިވިއަންގެ އޮފިޝަލަކު ބުނިގޮތުގައި އެ ފްލައިޓުން ދަތުރު ކުރި މީހުންނަށް މިރޭ އެ އެއާލައިންގެ ފަރާތުން އެކޮމޮޑޭޝަން ހަމަޖައްސައިދޭނެއެވެ.
އަދި ފްލައިޓުން ދަތުރުކުރި މީހުންނަށް މާދަމާ ހެނދުނު މާލެ ދެވޭނެ އިންތިޒާމު ހަމަޖައްސާނެ ކަމަށް އޮފިޝަލް ވިދާޅުވިއެވެ.