މަސްތުވާތަކެތީގެ މައްސަަލައަކާ ގުޅިގެން އައްޑޫގެ ދެ މީހަކު ހޯދުމުގެ މަސައްކަތް ފުލުހުން ފަށައިފި އެވެ.
ފުލުހުން ބުނީ މަސްތުވާތަކެތި ބޭނުން ކުރުމަށްޓަކައި އެތަކެތި އަތުގައި ބެހެއްޓި މައްސަލަ އާ ގުޅިގެން ހޯދަނީ ސ.މަރަދޫ ފަރުދާބަގީޗާގެ، އިބްރާހީމް ނާޘީފް (26އ) އާއި ސ.ފޭދޫ، ރިހިފަރުދާގެ، އަހްމަދު މުޙައްމަދު (31އ) ކަމަށެވެ. އަދި ކ.މާލެ، ދަފްތަރު ނަމްބަރ:5938، ޢަބްދުﷲ ފުރުޤާން (25އ) އަކީ ފުލުހުން ބުނީ މި މީހުންނަކީ ކްރިމިނަލް ކޯޓުގައި ހިނގަމުންދާ މަނާ ކުރެވިފައިވާ މަސްތުވާ އެއްޗެއް އަތުގައި ބެހެއްޓުމުގެ ކުށުގައި ކޯޓަށް ހާޒިރުވުމަށް އެންގުމުން ވެސް ހާޒިރު ނުވުމުގެ ސަބަބުން ފުލުހުންގެ ބެލުމުގެ ދަށުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް ކޯޓުން ކޮށްފައިވާ އަމުރަކާ ގުޅިގެން ހޯދަމުންދާ މީހުން ކަމަށެވެ.
އެހެންވެ މި މީ ހުންނާ ބެހޭ އެއްވެސް މަޢުލޫމާތެއް ލިބިލައްވާފައިވާ ފަރާތެއްވާ ނަމަ ވީ އެންމެ އަވަހަކަށް ފުލުހުންގެ ކަސްޓޯޑިއަލް ޑިޕާރޓްމަންޓްގެ ނަންބަރު 9991442 ނުވަތަ މޯލްޑިވްސް ޕޮލިސް ސަވިސްގެ ހޮޓްލައިން 3322111 އަށް އެންގުމަށް ފުލުހުން އެދެ އެވެ.
އަދި ރާއްޖޭގެ ރަށަކުން ނަމަ އެ ރަށެއްގައި ހުންނަ ޕޮލިސް ސްޓޭޝަނަކަށް އަދި ޕޮލިސް ސްޓޭޝަން ނެތް ރަށެއް ނަމަ އެ ރަށެއްގެ ރަށުކައުންސިލް އިދާރާ މެދުވެރިކޮށް އެންގުމަށް ވެސް ފުލުހުން އެދެ އެވެ. އީމެއިލް ކުރާ ނަމަ ކުރާނީ admin@police.gov.mv އަށެވެ.