އިދިކޮޅު އިއްތިހާދުގެ ކެންޑިޑޭޓު އިބްރާހިމް މުހައްމަދު ސޯލިހު (އިބޫ) އައްޑޫ ސިޓީއަށް ވަޑައިގެންނެވުމުން އެތައް ސަތޭކަ ބަޔަކު އެމަނިކުފާނަށް ހޫނު މަރުޙަބާއެއް ކިޔައިފިއެވެ.
އިބޫ އާއި އެކު އައްޑޫއަށް ވަޑައިގެންނެވި ޓީމަށް މަރުޙަބާ ކިޔުމަށް އެތައް ގިނަ އަދަދެއްގެ ރައްޔިތުން އެއާޕޯޓް ސަރަހައްދަށް ޖަމާވެފައިވާއިރު ކުރިން މިވަރަށް މީހުން އައްޑޫ އެއާޕޯޓަށް ޖަމާވެފައި ވަނީ ރައީސް މުހައްމަދު ނަޝީދުގެ ދަތުރުފުޅުތަކުގައެވެ.
އިބޫ އަށް މަރުހަބާ ކިޔުމަށް އެއާޕޯޓަށް ހާޒިރުވި މީހުންގެ ތެރޭގައި އެމްޑީޕީގެ އިތުރުން އަދާލަތު ޕާޓީ އާއި ޖޭޕީ އަދި ރައީސް މައުމޫނަށް ތާއީދު ކުރާ މީހުން ވެސް ތިއްބެވެ.