މަސްތުވާތަކެތީގެ މައްސަލައެއްގައި ސ. މީދޫ މީހެއްގެ ފޮޓޯ އާންމުކޮށް އޭނާ ހޯދުމުގެ މަސައްކަތް ފުލުހުން ފަށައިފި އެވެ.
ފުލުހުން ބުނީ ބޭނުން ކުރުމަށްޓަކައި އަތުގައި މަސްތުވާތަކެތި ކަމަށް ބެލެވޭ އެއްޗެހިތަކެއް ބެހެއްޓި މައްސަލާގައި ހޯދަމުން އަންނަނީ
މީދޫ މޫންލައިޓް އަހްމަދު އަނީލް، 31، ކަމަށެވެ.
އޭނާއަކީ ކްރިމިނަލް ކޯޓުގައި ހިނގަމުންދާ މަނާ ކުރެވިފައިވާ މަސްތުވާ އެއްޗެއް ބޭނުން ކުރުމަށާއި އެތަކެތި ބޭނުން ކުރުމަށްޓަކައި އަތުގައި ބެހެއްޓި ކުށުގެ މައްސަލައެއްގައި އެ ކޯޓަށް ހާޒިރުވުމަށް އެންގުމުން ވެސް ހާޒިރު ނުވެ އުޅޭ ވަކި ތަނެއް ނޭނގުމުގެ ސަބަބުން ފުލުހުންގެ ބެލުމުގެ ދަށުގައި ބަހައްޓައިގެން ކޯޓަށް ހާޒިރު ކުރުމަށް ފުލުހުންގެ މައްޗަށް ކޯޓުން ކޮށްފައިވާ އަމުރަކާ ގުޅިގެން ފުލުހުން ހޯދައި ނުފެނިފައިވާ މީހެެއް ކަމަށް ފުލުހުން ބުންޏެވެ.
އެހެންވެ އޭނާ އާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާ ނަމަ ވީއެންމެ އަވަހަކަށް މޯލްޑިވްސް ޕޮލިސް ސާވިސްގެ ޕޮލިސް ކަސްޓޯޑިއަލް ޑިޕާރޓްމަންޓްގެ ނަންބަރު 9991442 ނުވަތަ މޯލްޑިވްސް ޕޮލިސް ސާރވިސްގެ ހޮޓްލައިން 3322111 އަށް އެންގުވުމަށް ފުލުހުން އެދެ އެވެ.
ރާއްޖޭގެ ރަށަކުން ނަމަ އެ ރަށެއްގައި ހުންނަ ޕޮލިސް ސްޓޭޝަނަކަށް އަދި ޕޮލިސް ސްޓޭޝަން ނެތް ރަށެއް ނަމަ އެ ރަށެއްގެ ރަށުކައުންސިލް އިދާރާ މެދުވެރިކޮށް ފުލުހުންނަށް އެންގުމަށް ފުލުުހުން އެދެ އެވެ. އަދި މިކަމާ ބެހޭ މައުލޫމތު އީމެއިލް ކުރާ ނަމަ admin@police.gov.mv ފޮނުވުމަށް ވެސް ފުލުހުން އެދެ އެވެ.