އަންނަ ރިޔާސީ އިންތުހާބުގެ ވޯޓު ފޮށި 100 ހަމަވާ ކޮންމެ ރިސޯޓެއްގައި ބަހައްޓަން އިލެކްޝަން ކަމިޝަން (އީސީ)ން މިރޭ ނިންމައިފިއެވެ.
ހަތް ރިސޯޓެއްގައި ވޯޓު ފޮށި ބަހައްޓަން އީސީން ކުރިން ނިންމި ނިންމުމާއި ގުޅިގެން ގިނަ ބަޔަކު ފާޑު ކިޔަމުން ދަނިކޮށް މިރޭ އީސީން ކުރެއްވި ޓްވީޓެއްގައި ބުނެފައިވަނީ 100 މުއައްޒިފުން މަސައްކަތް ކުރާ ރިސޯޓުތަކުގެ ތެރެއިން ކުރިޔަށް އޮތް ރިޔާސީ އިންތިހާބުގައި ވޯޓު ފޮށި ބަހައްޓަން އެއްބަސްވާ ރިސޯޓުތަކުގައި ރީ ރަޖިސްޓާ ކުރުމަށް ހުޅުވާލަން ނިންމާފައިވާ ކަމަށެވެ.
100 Dhievhi Muvazzafun massaikai kuraa resort thakuge therein,Riyaasee Inthikhaabu 2018 gai Vote foshi bahattan ehbasvaa resort thakugai re-register kurumah hulhuvaalumah EC in ninmaifi
— Elections Commission (@ElectionsMv) July 18, 2018
އީސީން މިގިތަށް ނިންމި އިރު މިރޭ ވެރިކަން ކުރާ ޕީޕީއެމްގެ ނައިބް ލީޑަރ އަބްދުއް ރަހީމް އަބްދުﷲ ވެސް ވަނީ އެންމެ ހަތް ރިސޯޓުގައި ވޯޓު ފޮށި ބަހައްޓަން އީސީން ނިންމި ނިންމުން ގަބޫލް ނުކުރެވޭކަމަށް ބުނެފައެވެ.
ނިމިގެން ދިޔަ ރިޔާސީ އިންތިހާބުގައި 42 ރިސޯޓެއްގައި ވަނީ ވޯޓުފޮށި ބަހައްޓާފައެވެ.