ސ. ހިތަދޫ ރީޖަނަލް ހޮސްޕިޓަލް ކައިރީގައި ހުންނަ "ބޯ އަނބުރާ މިސްކިތް" ބޮޑުކޮށް އިމާރާތް ކުރުމުގެ މަސައްކަތް ކުރަމުން އަންނަ އިރު އެތަނުގެ މަސައްކަތް އެއްކޮށް ރޯދަ އަށް ނިންމާލެވޭނެ ކަމަށް އެކަމުގައި ހަރަކާތްތެރިވާ ފަރާތްތަކުން ބުނެފި އެވެ.
"އައްޑޫ ލައިވް" އާ ވާހަކަ ދައްކަމުން އެ މިސްކިތް އިމާރާތް ކުރުމުގެ މަސައްކަތުގައި އިސްކޮށް އުޅުއްވާ ބޭފުޅަކު މިއަދު ވިދާޅުވީ މަސައްކަތް ވަަރަަށް ބާރަށް ކުރިއަށްދާ ކަމަށެވެ.
އެހެން ނަމަވެސް އެކި ކަހަލަ ދަތިތަކާ ގުޅިގެން ކުރިން ރޭވި ގޮތަށް އެހާ އަވަސް ސްޕީޑެއްގައި މަސައްކަތް ކުރިއަށް ނުދާ ކަމަށް އޭނާ ވިދާޅުވި އެވެ. ކުރިން ނިންމާފައި އޮތީ މި މަހުގެ ނިޔަލަށް މަސައްކަތް ނިންމާ ގޮތަށެވެ.
އޭނާ ވިދާޅުވީ ދީލަތި ފަރާތްތަކެެއްގެ އެހީތެރިކަމާ އެކު ގާތްގަަޑަކަށް އަށްލައްކަ ރުފިޔާ ހަރަދުކޮށްގެން ޖާގަ ބޮޑުކޮށް، އިމާރާތް ކުރާ މިސްކިތުގެ އެތެރޭގެ ޖާގަައަކީ 170 އެވެ.
"ބޯ އަނބުރާ މިސްކިތު" ގެ ނަމުން މަޝްހޫރު 44 މީހުންގެ ޖާގައިގެ މިސްކިތް އިމާރާތް ކުރަނީ ޒަމާނީ ފެންވަރަށް ގުއްބަ އާއި މުންނާރު ވެސް ހިމަނައިގެން ކަމަށް މިސްކިތް އިމާރާތް ކުރާ ޓީމުން ބުންޏެވެ.
އޭނާ އިތުރަށް ވިދާޅުވީ "ބޯ އަނބުރާ މިސްކިތަ"ކީ ވަރަށް ގިނަ ބަޔަކު ބޭނުން ކުރަމުން އަންނަ މިސްކިތަަކަށްވެފައ، އެތަނަށް ޖާގައިގެ ދަތިކަން ކުރިމަތިވެފައިވާތީ އެ މިސްކިތް ބޮޑު ކުރުމުން ގިނަ ބަޔަކަށް ފަސޭހަތަކެއް ވެގެން ދާނެ ކަމަށެވެ.