އިންގްލެންޑްގެ ޗެލްސީއަށް ކުޅެމުން އަންނަ ބްރެޒިލްގެ ވިލިއަން ހޯދުމަށް ސްޕެއިނުގެ ބާސެލޯނާއިން 55 މިލިއަން ޕައުންޑްގެ ފީއެއް ހުށަހަޅައިފިކަމަށް ސްކައިސްޕޯޓްސްއިން ބުނެފިއެވެ.
މީގެކުރިން ބާސެލޯނާއިން ހުށަހެޅި ދެއަގަށްވެސް ޗެލްސީއިން ވަނީ ވިއްކުމަށް ދެކޮޅު ހަދާފައެވެ.
ސްކައިސްޕޯޓްސްއިން މަޢުލޫމާތު ދޭ ގޮތުގައި ބާސެލޯނާއިން ވިލިއަން ހޯދުމުގެ މަސައްކަތްފެށީ މީގެ ތިން މަސްދުވަސް ކުރީން ކަމަށްވެއެވެ.
މިިދިޔަ ސީޒަނުގެ ޔޫއެފާ ޗެމްޕިއަންސް ލީގުގެ ދެވަނަ ބުރުގައި މިދެޓީމުގެ ބަައްދަލުކޮށް ކުޅުނު ދެމެޗުގައި ޗެލްސީ އިން ކާމިޔާބުކުރި ހަމައެކަނި ލަނޑު ޖަހައިދިނީވެސް ވިލިއަން އެވެ.
ވިލިއަން ވަނީ 2013 ވަނަ އަހަރު ރަޝިޔާގެ ކްލަބު އަންޒީ އިން ޗެލްސީ އަށް ބަދަލުވެ މިހާތަނަށް ކުޅުނު 236 މެޗުގައި ޖުމްލަ 44 ގޯލް ކާމިޔާބުކޮށްދީފައެވެ. މީގެއިތުރުން އޭނާ ވަނީ އެކްލަބުގެ ކުޅުންތެރިން ވޯޓްދީގެން ހޮވި މިދިޔަ ސީޒަނުގެ މޮޅުކުޅުންތެރިޔާގެ މަޤާމްވެސް ހޯދާފައެވެ.