ސަރުކާރުގައި ހުރި މައްސަލަތައް ހައްލުކުރުމުގެ ނަމުގައި ބަޣާވާތްކުރުމަކީ ކޮށްގެންވާނެ ކަމެއް ނޫން ކަމަށް ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ރައީސް އަބްދުﷲ ޔާމީން އަބްދުލް ގައްޔޫމްގެ ރަނިން މޭޓް ޑރ. ޝަހީމ މިހެން ވިދާޅުވީ، ކެމްޕެއިން ދަތުރުފުޅެއްގައި ގއ. ކޮލަމާފުއްޓަށް ވަޑައިގެން އެރަށު ރައްޔިތުންނާއި ވާހަކަ ދައްކަވަމުންނެވެ.
ޝަހީމް ވިދާޅުވީ ކަންކަން ހައްލުކުރުމުގެ ނަމުގައި ބަޣާވާތްކޮށްގެން ސަރުކާރު ވައްޓާލަން އުޅުމަކީ ކޮށްގެންވާނެ ކަމެއް ނޫން ކަމަށެވެ.
ޝަހީމްގެ ވާހަކަފުޅުގައި ވަނީ ހުރިހާ ސަރުކާރެއްގައި ވެސް މައްސަލަތައް ހުންނާނެ ކަމަށާއި އެކަމަކު އޭގެ ހައްލަކީ ސަރުކާރު ވައްޓާލުން ނޫންކަމަށް ވިދާޅުވެފައެވެ.
އަދި މީގެ އިތުރުން ބޭރުގެ ނުފޫޒު ކުރިމަތިވެފައިވާ އިސްލާމީ ޤައުމުތަކަށް ދިމާވެފައިވާ ކަންތައް ޝަހީމް ހިއްސާކުރެއްވިއެވެ. އެވާހަކަފުޅުގައި މިސާލެއްގެ ގޮތުގައި ޝަހީމް ނެންގެވީ ޢިރާޤެވެ.