Last Updated: November 24, 23:51
Monday, November 25, 2024
ރިޕޯޓް

މިލިއަނުން ޚަރަދު ކުރިޔޯ، އެކަމަކު އަދިވެސް ބާލިދީ!

ހިތަދޫ ރީޖަނަލް ހޮސްޕިޓަލު މަރާމާރު ކުރުމަށާއި އެތަނުގެ ފެންވަރު މަތިކުރުމަށް، އެތައް މިލިއަން ރުފިޔާއެއް ޚަރަދުކޮށްފައިވާ ކަމަށް ސަރުކާރުން ބުނެއެވެ. އެކަން ރައްޔިތުންގެ ލޮލަށް ނުފެނިގެން އަންނަ ރުޅީގައި ސަރުކާރުގެ ބައެއް އިސްވެރިން ރައްޔިތުންގެ ލޮލަށް ވެސް ގޮވާ ފަހަރު އާދެއެވެ.

ރައްޔިތުންގެ ލޮލަށް ސަރުކާރުން ގޮވަނީ "ހެޔޮފުޅުކަމުން" ރައްޔިތުންގެ ފައިސާއިން ކޮށްދީފައިވާ ކަމަށް އެމީހުން ބުނާ ކަންތައް ނުފެންނާތީއެވެ. އޭގެ ތެރެއިން އެއްކަމަކީ ހިތަދޫ ރީޖަނަލް ހޮސްޕިޓަލްގެ މަރާމާތަށް ސަރުކާރުން ހިންގި "ތަރައްޤީގެ މަޝްރޫޢު"އެވެ.

ރައީސް ޔާމީން ވެރިކަމަށް ވަޑައިގެންނެވި އިރުވެސް ވިއްސާރަ ދުވަހެއްގައި ހޮސްޕިޓަލުގެ އެތަން މިތަނުގައި ބާލިދީ ބަހައްޓަން ޖެހެެއެވެ. ސަރުކާރުން ބުނާ "މިލިއަނުގެ މަރާމާތުކުރުމުގެ މަޝްޜޫޢު" އާއި އެކު ވެސް އަދިވެސް ބަހައްޓަން ޖެހެނީ ބާލިދީއެވެ. މަރާމާތުކޮށްގެން މިއުޅެނީ ހޮސްޕިޓަލުގެ ކޮންތަނެއް ހެއްޔެވެ؟

ހޮސްޕިޓަލުގެ އިސްވެރިންނަށް ގުޅައިގެން މިލިއަނުން ޚަރަދުކޮށްގެން ކުރި މަރާމާތަކީ ކޮބައިތޯ އެހުމުން ވިދާޅުވީ "ޗެކް ކޮށްފައި ގުޅާނެ" ކަމަށެވެ. ހަފްތާއަކަށް ވުރެ ގިނަ ދުވަސްވީއިރު ވެސް ޗެކް ކުރަނީއެވެ.