ރަޝިޔާގައި ބޭއްވި ވޯލްޑްކަޕް ބަލަން އެ ގައުމަށް ދިޔަ ނައިޖީރިޔާގެ ސަޕޯޓަރުންގެ ތެރެއިން ފައިސާކޮޅު ހުސްވެގެން އެނބުރި ޤައުމަށް ނާދެވިފައި ތިބި ސަޕޯޓަރުން ނައިޖީރިޔާ ސަރުކާރުގެ ޚަރަދުގައި ގައުމަށް ގެންގޮސްފިއެވެ.
ރަޝިޔާގެ ނޫސް ރިޕޯޓްތައް ބުނާ ގޮތުގައި، ނައިޖީރިޔާގެ 152 ސަޕޯޓަރަކު އެނބުރި ޤައުމަށް ގެންގޮސްފައިވަނީ ނައިޖީރިޔާ ސަރުކާރުން ހަމަޖެއްސި ފްލައިޓެއްގައި ކަމަށެވެ.
ނައިޖީރިޔާގެ ފޮރިން މިނިސްޓްރީން ވެސް ވަނީ އިތޯޕިއާ އެއާލައިންސްގެ ފްލައިޓެއްގައި އެ ގައުމުގެ 152 މީހަކު ރަޝިޔާއިން ގެނެސްފައިވާކަން ކަށަވަރުކޮށްދީފައެވެ.
ނައިޖީރިޔާ ވަނީ މިފަހަރުގެ ފީފާ ވޯލްޑްކަޕްގެ ފުރަތަމަ ބުރުން ކަޓާފައެވެ.