ދިވެހިންގެ ތެރޭގައި އެންމެ މަޝްހޫރު ސުޕާރީ ކަމުގައިވާ "ރަސްލީ" ސުޕާރީ އަނެއްކާ ވެސް ރާއްޖޭގެ މާކެޓުގައި ވިއްކަން ފަށައިފިއެވެ.
ރަސްލީ ސުޕާރީ ރާއްޖޭގެ ބާޒާރުން ހުސްވެފައިވާތާ މަހެއްހާ ދުވަސް ފަހުން އަނެއްކާވެސް ވިއްކަން ފެށިއިރު ފޮއްޓެއްގެ އަގު އުޅެނީ 100.ރ އަށެވެ. އަދި މިވަގުތު މާލޭގެ ފިހާރަތަކުން ވަކި ސުޕާރީ ޕެކެޓެއް ވިއްކަމުން ދަނީ 2.ރ އަށް ކަމަށް ވެއެވެ.
އައްޑޫގެ ބައެއް ފިހާރަތަކުގައި ކޮންމެވެސް ވަރަކަށް ރަސްލީ ސުޕާރީ ވިއްކަމުން ގެންދާއިރު މިވަގުތު ވަކި ސުޕާރީ ޕެކެޓެއް ވިއްކަނީ 1 ރުފިޔާއަށެވެ.
ރަސްލީ ސުޕާރީ އަކީ ޕާކިސްތާންގެ އުފެއްދުމެކެވެ. ސުޕާރީގެ ސަބަބުން ސިއްހަތައް ލިބޭ ގެއްލުންތަކުގެ ސަބަބުން އެ ގައުމުގެ ސިއްހަތާއި ބެހޭ ވުޒާރާއިން ސުޕާރީ އުފެއްދުމުގެ ޤަވައިދުތައް ވަނީ ހަރުކަށިކޮށްފައެވެ.