ލަގޯސް-ނައިޖީރިޔާ: ނައިޖީރިޔާގެ މިސްކިތެއްގައި ދިން ޖާނުން ފިދާވުމުގެ ހަމަލާއެއްގައި 8 މީހަކު މަރުވެއްޖެއެވެ.
ނައިޖީރިޔާގެ ނޫސްތަކުން ބުނެފައިވާ ގޮތުގައި ި ޖާނުން ފިދާވުމުގެ ހަމަލާ ދީފައިވަނީ ފަތިހު 4:30 އެހާކަށް ހާއިރު އެވެ. އޭރު މިސްކިތުގައި ތިބި މީހުން ގެންދިޔައީ ފަތިސް ނަމާދު ކުރަމުން ކަމަށް ވެއެވެ.
ބޯރނޯ ސްޓޭޓްގެ ޕޮލިސް ކޮމިޝަނަރު ބުނެފައިވާ ގޮތުގައި، މި ހާދިސާގައި މަރުވި 8 މީހުންގެ ތެރެއިން އެކަކީ ޖާނުން ފިދާވުމުގެ ހަމަލާ ދިން ފިރިހެން މީހާއެވެ. އަދި އިތުރު 7 މީހަކަށް ވެސް އަނިޔާވެގެން ހޮސްޕިޓަލުގައި މިހާރު ދަނީ ފަރުވާދެމުންނެވެ.
މި ހަމަލާގެ ޒިންމާ އަދި އެއްވެސް ފަރާތަކުން ނަގާފައި ނުވާއިރު ނައިޖީރިޔާގައި ހަރަކާތްތެރިވާ ހައްދުފަހަނަޅާފައިވާ ޖަމާއަތެއް ކަމުގައިވާ ބޮކޯ ހަރާމްގެ އަތެއް މިކަމުގައި ވެދާނެ ކަމަށް ގިނަ ބަޔަކު ދަނީ ތުހުމަތު ކުރަމުންނެވެ. އެއީ މީގެ ކުރިން ވެސް އެ ޖަމާއަތުން އެފަދަ ހަމަލާތަކެއް ދީފައިވާތީއެވެ.