ހުވަދު އަތޮޅުން ފެށިގެން އައްޑޫއާއި ހިސާބަށް މޫސުމާއި ބެހޭ ޤައުމީ އިދާރާ (މެޓް އޮފީހުން) ޔެލޯ އެލާޓް ނެރެފިއެވެ.
މެޓް އޮފީހުން ޔެލޯ އެލާޓް ނެރެފައި ވަނީ މިއަދު ހެނދުނު 10:15 އިން މެންދުރުފަހު 15:00 ގެ ނިޔަލަށެވެ.
މެޓް އޮފީހުން ބުނި ގޮތުގައި ޔެލޯ އެލާޓް ނެރެފައިވާ ގަޑިތަކުގައި އެ ސަރަހައްދަށް ގަދަވަޔާއެކު ހުއްޓާ ނުލާ ބޯކޮށް ވާރޭވެހުމުގެ އިތުރަށް ގުގުރުން ވެސް އެކަށީގެންވެއެވެ.
"ދެކުނު އަތޮޅުތަކަށް ހުޅަނގާއި ހުޅަނގު އުތުރުން، ގަޑިއަކު 7 މޭލާ 17 މޭލާ ދެމެދުގެ ބާރުމިނުގައި ވައިޖެހޭ އިރު އެހެން ހިސާބުތަކަށް ގަޑިއަކު 13 މޭލާ 23 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި އަދި ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައިގަދަވުން އެކަށީގެންވޭ" މެޓް އޮފީސް
ދެކުނު އަތޮޅުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެތީ ކަނޑު ދަތުރުކުރައްވާ ފަރާތްތަކުން، މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސްކޮށްފައެވެ.