އައްޑޫ ސިޓީގެ ރައްޔިތުންގެ ޖީބަށް ލުޔެއް ލިބޭ ގޮތަށް ރައީސް ޔާމީންގެ ސަރުކާރުން އެއްވެސް މަޝްރޫޢެއް ނުހިންގާ ކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ވިދާޅުވެއްޖެއެވެ.
ރާއްޖެ ޓީވީގައި ވާހަކަ ދައްކަވަމުން ނިޒާރު ވިދާޅުވި ގޮތުގައި، އައްޑޫގެ ތަރައްޤީ އަށް ކޮށްދެއްވި އެންމެ ކަމެއް ދެއްކި ނަމަވެސް އެބޭފުޅާ ހުންނެވީ ރައީސް ޔާމީނަށް ވޯޓު ދެއްވާ ގޮތަށެވެ.
ތަރައްގީއަށް އެއްވެސް މަޝްރޫއެއް ހިންގާފައި ނުވާ ކަމަށް ރައްޔިތުންގެ މަޖިލީހުގެ އައްޑޫ ހިތަދޫ ދެކުނު ދާއިރާގެ މެންބަރު އަލީ ނިޒާރު ވިދާޅުވެއްޖެއެވެ.
ރައީސް ޔާމީންގެ ސަރުކާރުން އައްޑޫގެ ތަރައްޤީއަށް އެއްވެސް ކަމެއް ނުކުރާ ކަމަށާއި އެގޮތުން 2013 ވަނަ އަހަރުން ފެށިގެން މިހާތަނަށް އައްޑޫ ރައްޔިތުންގެ ޖީބަށް ލުޔެއް ލިބޭ ގޮތަށް ތަރައްޤީގެ އެއްވެސް ޕްލޭނެއް ކުރިއަށް ނުގެންދާ ކަމަށް ނިޒާރު ވިދާޅުވިއެވެ.
ނިޒާރު ވިދާޅުވީ ހިތަދޫ ރީޖަނަލް ހޮސްޕިޓަލްގައި އޭސީ ހަރުކުރުމާއި، ފެނަކަ އިންޖީނުގޭގައި ޖަނަރޭޓަރު ބެހެއްޓުން ފަދަ ކަންތައް ތަރައްގީގެ ގޮތުގައި މާނަ ނުކުރެވޭނެ ކަމަށެވެ.
"ފެނަކައަށް ފައިދާވާ ގޮތަށް ބަހައްޓާ ޖަނަރޭޓަރުތަކާއި އެ ކުންފުނީގެ މަސައްކަތްތަކަށް ގެނެވޭ އިތުރު ފަސޭހަތަކަކީ އެއީ ތަރައްގީ ގޮތުގައި ބަލާކަށް ނުޖެހޭ" ނިޒާރު ވިދާޅުވިއެވެ.
ހިތަދޫ ރީޖަނަލް ހޮސްޕިޓަލުން އެކަށީގެންވާ ޚިދުމަތް ނުލިބުމާއި އެތަނުގައި އެކަށީގެންވާ ވަސީލަތް ނެތުމުން އެކަމާއި ވެސް ނިޒާރު ވަނީ ސަރުކާރަށް ފާޑު ވިދާޅުވެފައެވެ.