ރައްޔިތުންގެ މަޖިލީހުގެ 12 މެންބަރެއްގެ ގޮނޑި ގެއްލިފައިވާނުވާ ކަމަށް ސުޕްރީމް ކޯޓުން މީގެ ކުރިން ކުރި ހުކުމް ބާތިލް ކަމަށް އެ ކޯޓުން ކަނޑައަޅައިފިއެވެ.
މިއަދު އިއްވި ހުކުމުގައި ބުނެފައި ވަނީ 12 މެންބަރުންގެ ގޮނޑި ނުގެއްލޭ ކަމަށް ފެބްރުއަރީ، 2018 ގައި ސުޕްރީމް ކޯޓުން ނެރުނު އަމުރުގައި ބުނާ އިބާރާތް ބާތިލް ކަމަށް ކަނޑައަޅައިފަ އެވެ.
ބާރަ މެންބަރުންގެ ގޮނޑި ނުގެއްލޭ ކަމަށް ފެބްރުއަރީ 1 ގެ އަމުރުގައި ބުނެފައިވާ ބައި ބާތިލް ކުރުމަށް ސުޕްރީމް ކޯޓުން ނިންމީ ގޮނޑިއާ ގުޅޭ މައްސަލަ ތަކެއް ސުޕްރީމް ކޯޓަށް ހުށަހަޅާ އެކޯޓުން އެމައްސަލަތައް ބަލައިގަނެފައިވާތީ އެކަމާ ގުޅޭ ގޮތުން ބަހުސް ނުކޮށް މެންބަރުންގެ ގޮނޑިއާ މެދު ވަކި ގޮތެއް ކަނޑަނޭޅޭނެ ކަމަށް ނިންމުމަށް ފަހު އެވެ.